घरच्यांचा लग्नाला विरोध, प्रेमी युगुलाने रेल्वेसमोर उडी घेऊन केली आत्महत्या
उत्तर प्रदेशमधील औरैयामध्ये प्रेमी युगुलाने रेल्वेसमोर उडी मारून आत्महत्या केल्याची धक्कादायक घटना समोर आली आहे. दोघेही रात्री घरामधून बेपत्ता झाले होते. दोघांच्याही घरून ते बेपत्ता असल्याची तक्रार पोलिसांत देण्यात आली होती.
लखनऊ : उत्तर प्रदेशमधील औरैयामध्ये प्रेमी युगुलाने रेल्वेसमोर उडी मारून आत्महत्या केल्याची धक्कादायक घटना समोर आली आहे. दोघेही रात्री घरामधून बेपत्ता झाले होते. दोघांच्याही घरून ते बेपत्ता असल्याची तक्रार पोलिसांत देण्यात आली होती. पोलिसांनी त्यांचा तपास सुरू केला असता, दोघांचेही मृतदेह रेल्वे ट्रॅकवर आढळून आले आहेत. पोलिसांनी शवविच्छेदनानंतर मृतदेह त्यांच्या घरच्यांच्या ताब्यात दिले. याप्रकणी अधिक तपास सुरू असल्याचे पोलिसांनी सांगितले.
घरच्यांचा लग्नाला विरोध
ही घटना औरेया जिल्ह्यातील अछलंदा परिसरातील आहे. या प्रेमी युगुलाचे मृतदेह हे दिल्ली-हावडा मार्गावर कसारा स्टेसन जवळ आढळून आले आहेत. संबंधित मुलगी ही खुमानपुरा गावातील रहिवासी होती. तर मुलगा हा अछलंदा गावात राहात होता. दोघे अनेक वर्षांपासून एकोंमेकांना ओळख होते. सुरुवातीला त्यांच्यामध्ये मैत्री झाली, त्यानंतर मैत्रीचे रुपांतर प्रेमात झाले. त्यांना लग्न करायेच होते. मात्र या लग्नाला दोन्ही कुटुंबीयांकडून विरोधात होता. त्यांनी अनेक वेळा आपल्या कुटुंबीयांना समजावण्याचा प्रयत्न केला. मात्र त्याचा काहीही उपयोग झाला नाही.
कुटुंबाची चौकशी
घरचे लग्नाला तयार होत नसल्याने संबंधित तरुण आणि तरुणीने शेवटी टोकाचे पाऊन उचलले. त्यांनी रेल्वेसमोर उडी मारून आपली जीवन यात्रा संपवली. पोलिसांना दोघांचेही मृतदेह रेल्वे ट्रॅकवर आढळून आले. दरम्यान आता या प्रकरणाचा अधिक तपास सुरू असून, संबंधित कुटुंबातील व्यक्तींची चौकशी सुरू असल्याची माहिती पोलिसांनी दिली.
संबंधित बातम्या
नाशिकमध्ये बनावट दागिने तारण ठेऊन बँकेला 24 लाखांचा गंडा, चौघांविरोधात गुन्हा दाखल
Kalyan Crime: जाहिरातीचा व्हिडिओ करण्यास नकार दिल्याने तरुणीला अश्लील व्हिडिओ कॉल करुन विनयभंग