Kalyan Crime: जाहिरातीचा व्हिडिओ करण्यास नकार दिल्याने तरुणीला अश्लील व्हिडिओ कॉल करुन विनयभंग
कल्याणमध्ये राहणाऱ्या एका तरुणीला एका अज्ञात व्यक्तीने व्हिडिओ कॉल केला. व्हिडिओ कॉल करुन त्याने अश्लील हावभाव केले. तरुणी एका चांगल्या पेशात आहे. त्या तरुणीने त्वरीत तो नंबर ब्लॉक केला. त्यानंतरही या तरुणीला इंटरनॅशनल व्हर्च्युअल मोबाईलद्वारे व्हिडिओ कॉल सुरु झाले.
कल्याण : पाच वर्षापूर्वी तरुणीने जाहिरातीचा व्हिडिओ करण्यास नकार दिल्याच्या रागात इव्हेंट मॅनेजर असलेल्या तरुणाने पाच वर्षानंतर तरुणीला त्रास देण्यासठी इंटरनॅशलन व्हर्च्युअल मोबाईलवरुन तरुणीला व्हिडिओ करुन तिचा सातत्याने तिचा विनयभंग केला. कल्याणच्या महात्मा फुले पोलिसांनी आरोपीला बेड्या ठोकल्या आहेत. गुरुदीपसिंग खालसा असे या आरोपीचे नाव असून तो इव्हेंट मॅनेजमेंटचे काम करतो.
व्हिडिओ कॉल करुन अश्लील हावभाव करायचा
कल्याणमध्ये राहणाऱ्या एका तरुणीला एका अज्ञात व्यक्तीने व्हिडिओ कॉल केला. व्हिडिओ कॉल करुन त्याने अश्लील हावभाव केले. तरुणी एका चांगल्या पेशात आहे. त्या तरुणीने त्वरीत तो नंबर ब्लॉक केला. त्यानंतरही या तरुणीला इंटरनॅशनल व्हर्च्युअल मोबाईलद्वारे व्हिडिओ कॉल सुरु झाले. यामुळे तरुणी हैराण झाली. अखेर कल्याणच्या महात्मा फुले पोलीस ठाण्यात तिने तक्रार दिली. महात्मा फुलेचे वरिष्ठ पोलीस निरीक्षक अशोक होणमाने यांच्या मार्गदर्शनाखाली या प्रकरणाचा तपास सुरु झाला. इंटरनॅशनल व्हर्च्युअल मोबाईलवरुन व्हिडिओ कॉल होत असल्याने तो नंबर ट्रेस करणे अतिशय कठिण होते.
सायबर सेल आणि तज्ज्ञांच्या मदतीने आरोपीला पडकले
ठाणे सायबर सेल आणि तांत्रिक विश्लेषक यांच्या मदतीने तांत्रिक बाबींवर तपास केला गेला. आरोपीने एअरटेल आणि डेलिक्सनेट सोल्यूशन कंपनीचे आयपी अॅड्रेस वापरल्याचे दिसून आले. सदर कंपनीकडून प्राप्त झालेल्या दोन संशयित मोबाईल नंबरचा तपास सुरु केला. उल्हासनगर कॅम्प 5 मध्ये राहणारा गुरदीप खालसा या 27 वर्षीय तरुणाने हा आयपी अॅड्रेस वापरल्याचे निष्पन्न झाले. पोलिसांनी खालसाला ताब्यात घेतले आणि त्याच्याकडे चौकशी केली. पोलीस चौकशीत आपण गुन्हा केल्याचे त्याने कबुल केले. गुरुदीपसिंग हा इव्हेंट मॅनेजमेंटचे काम करतो. पाच वर्षापूर्वी पिडीत तरुणीने गुरुदीपसोबत एक जाहिरातीचा व्हिडिओ तयार करण्यास नकार दिला होता. त्याचा राग काढण्यासाठी गुरुदीपसिंगने तिच्यासोबत हे कृत्य केले. गुरुदीपने अन्य कोणाशी असा प्रकार केला आहे का याचा तपास पोलीस करीत आहेत. (In Ulhasnagar, a young woman was molested by making a pornographic video call)
इतर बातम्या
