बॉयलरची सफाई करताना हलगर्जी, पुण्यात उकळतं पाणी पडून चौघे भाजले, एकाचा मृत्यू
दूध डेअरी मधील बॉयलरची सफाई करताना बाळगलेली हलगर्जी कामगारांच्या जीवावर बेतली आहे. बॉयलरमधील उकळते पाणी अंगावर पडल्यामुळे चौघे कामगार भाजले होते.
पुणे : दूध डेअरी मधील बॉयलरची सफाई करताना बाळगलेली निष्काळजी कामगारांच्या जीवावर बेतली आहे. बॉयलरमधील उकळते पाणी कामगारांच्या अंगावर पडले. यामध्ये चार कामगार गंभीर भाजले असून त्यातील एका कामगाराचा मृत्यू झाला. पुणे जिल्ह्यात घडलेल्या या घटनेमुळे एकच खळबळ उडाली आहे.
चौघे जण भाजले, एकाचा मृत्यू
उकळते पाणी अंगावर पडल्याने मुकेश रामलाई कश्यप (वय 30 वर्ष) या कामगाराचा मृत्यू झाला आहे. तर सोनू श्रीप्रभूदयाल कश्यप (वय 26 वर्ष), राहुल संतोष कुमार माथूर (वय 18 वर्ष), इसाक अकबर कोतवाल (वय 45 वर्ष) हे कामगार या घटनेत गंभीर जखमी आहेत.
नेमकं काय घडलं?
ही घटना खेड तालुक्यातील चिंबळी फाटा येथे असलेल्या सहारा दूध डेअरी या ठिकाणी घडली आहे. दूध डेअरी मधील बॉयलरची सफाई करताना बाळगलेली हलगर्जी कामगारांच्या जीवावर बेतली आहे. बॉयलरमधील उकळते पाणी अंगावर पडल्यामुळे चौघे कामगार भाजले होते.
ऑपरेटर-मॅनेजरवर गुन्हा
या घटने प्रकरणी सहारा दूध डेअरी येथील ऑपरेटर अब्दुल गफार अब्दुल रशीद मुल्ला आणि व्यवस्थापक मोहितकुमार राजबहादूर सिंग यांच्या विरोधात गुन्हा दाखल करण्यात आला आहे. महाळुंगे पोलीस चौकीचे सहाय्यक पोलीस निरीक्षक सुरेश यमगर यांनी या बाबत फिर्याद दिली आहे.
संबंधित बातम्या :
ट्रॅक्टर-कारची भीषण धडक, दोन पोलीस कर्मचाऱ्यांचा जागीच मृत्यू, दोघे गंभीर
पोलीस कर्मचाऱ्याच्या घरासमोरच होमगार्ड तरुणीचा आत्महत्येचा प्रयत्न, नागपुरात उपचार
