Latest Movies Box Office Collection : दुनियाभरात जेलर 2 चा डंका, गल्ला 600 कोटींच्या पार; तर हे सिनेमे झाले फ्लॉप; जाणून घ्या बाकी चित्रपटांची कमाई
सध्या बॉक्स ऑफिसवर दक्षिणेकडील सिनेमे आणि बॉलिवूडतच्या चित्रपटांमध्ये चांगलीच अटीतटीची लढाई पाहायला मिळत आहे. दुनियाभरात जेलर 2 चा डंका आहे तर जाणून घ्या बाकी चित्रपटांनी किती कमाई केली
सध्या बॉक्स ऑफिसवर दक्षिणेकडील सिनेमे आणि बॉलिवूडतच्या चित्रपटांमध्ये चांगलीच अटीतटीची लढाई पाहायला मिळत आहे. सुपरस्टार रजनीकांत यांच्या जेलर 2 ने कमाईचा मोठा टप्पा पार केला आहे. जेलर 2 ची जगभरातील कमाई 600 कोटींच्या पार गेली आहे. तर दुसरीकडे विजय देवरकोंडा आणि रश्मिका मंदाना यांच्या ‘रणबाली’ च्या कमाईचा वेग कमी झालाय. तर राजकुमार राव आणि ललित प्रभाकर यांचा ‘प्रहार’ आणि आदिनाथ कोठारे आणि यामी गौतमचा नयी नवेली हे चित्रपट बॉक्स ऑफिसवर आपली जागा टिकवण्यासाठी धडपड करत आहेत. जेलर 2 ची 600 कोटींच्या पुढचा पल्ला रजनीकांत यांच्या जेलर 2 ने प्रदर्शनानंतर बॉक्स ऑफिसवर दमदार कमाई केली आहे. चित्रपटाने आठव्या दिवशी म्हणजेच गुरूवारी 17.15 कोटींची कमाई केली. तर भारतातील एकूण कमाई 334.35 कोटी रूपयांवर पोहोचली आहे. तर जगभरातील कमाई सध्या 606.05 कोटी रूपये झाली आहे. यामुळे सध्या या चित्रपटाची बॉक्स ऑफिसवर सर्वाधिक चर्चा आहे. ...
