Mithun Chakraborty : 75 वर्षीय मिथून चक्रव्रर्तींचा व्हिलचेअरवर बसून बोल्ड डान्स, नोराचा हात पकडून…सोशल मीडियावर चर्चा
‘जेलर २’मधील मिथुन चक्रवर्ती आणि नोरा फतेही यांच्या डान्स सीनची चर्चा सुरू आहे. 75 वर्षीय मिथूनदा आणि 42 वर्षीय नोरा यांचा बोल्ड डान्स पाहून चाहत्यांनी त्यांना ट्रोल केले आहे. त्यामुळे या मिथूनदा विषयी नाराजी व्यक्त केली जात आहे.
बॉलिवूडमधील ज्येष्ठ अभिनेते मिथून चक्रवर्ती यांनी आपल्या अभिनयाने अनेक वर्ष प्रेक्षकांचे मनोरंजन केले. वयाच्या अगदी 75 व्या वर्षांपर्यंत ते अनेक सिनेमांमध्येही काम करताना दिसत आहेत. रजनीकांत यांच्यासोबत त्यांनी जेलर 2 या सिनेमात स्क्रिन शेअर केली आहे. 15 ऑक्टोबरला जेलर 2 हा सिनेमा सिनेमागृहात रिलीज झाला आहे. त्यामुळे सिनेमागृहात प्रेक्षकांची गर्दी पाहायला मिळत आहेत.
परंतु सध्या चर्चा एका वेगळ्याच गोष्टीची सुरू आहे. जेलर 2 मध्ये नोरा फत्तेही आणि मिथून चक्रव्रती यांचा वेगळाच अंदाज पाहायला मिळतोय. त्या दोघांच्या बोल्ड डान्सची सगळीकडे चर्चा सुरू आहे. वयाची 75 पार केलेले मिथुनदा आणि 42 वर्षांची नोरा यांचा हा अंदाज पाहून अनेकांनी आश्चर्य व्यक्त केले आहे.एका ज्येष्ठ्य अभिनेत्याने अशाप्रकारे डान्स करणं यावरून सोशल मीडियावर त्यांना ट्रोल केले जात आहे.
नोरा फतेही ही बोल्ड डान्स आणि ग्लॅमरस अंदाजासाठी ओळखली जाते. जेलर 2 मधील तिच्या उत्कृष्ट डान्सची आणि मादक अदांची सर्वत्र चर्चा होत आहे. मात्र या गाण्यात मिथून चक्रव्रर्तीही तिच्या सोबत दिसत असल्याने प्रेक्षकांनी यावर नाराजी व्यक्त केली आहे. गाण्यामध्ये मिथून चक्रव्रर्ती व्हीलचेअरवर बसलेले आहेत. त्यांच्या पुढ्यात नोरा डान्स करताना दिसत आहे. तसेच मिथूनदाही नोरासोबत व्हिलचेअरवर बसूनच थिरकताना दिसत आहेत. नोरा सुद्धा मिथूनदा यांचा हात पकडून त्यांच्यासमोर बोल्ड डान्स करताना दिसत आहे. दोघांच्या वयाच मोठं अंतर असताना त्यांचा हा अंदाज अनेकांना खटकला आहे.
मिथून चक्रव्रर्ती हे हिंदी चित्रपटसृष्टीतील ज्येष्ठ अभिनेते आहेत. त्यांच्या अभिनयाचा आणि नृत्याचा मोठा चाहतावर्गही आहे. त्यामुळे त्यांना अशा बोल्ड गाण्यात नाचताना पाहून काही नेटकऱ्यांनी नाराजी व्यक्त केली आहे. या वयात अशा गाण्यात सहभागी होण्याची गरज काय असा सवालही चाहते कमेंट्सच्या माध्यामातून विचारताना दिसत आहेत. तर दुसरीकडे काही चाहत्यांनी कलाकारांच्या वयावरून त्यांना ट्रोल करणे योग्य नसल्याचंही म्हटलं आहे.आता या डान्सवरून सुरू झालेली ही चर्चा किती काळ सुरू राहते, हे पाहणं महत्त्वाचं ठरणार आहे.
