मुंबई : कॉमेडियन राजू श्रीवास्तव (Raju Srivastava) यांच्या तब्येतीबाबत दररोज वेगवेगळे अपडेट पुढे येते आहे. राजू यांचे चाहते तब्येतीच्या प्रत्येक अपडेटवर बारीक लक्ष ठेऊन आहेत. एक महिना उलटूनही राजू श्रीवास्तव यांना अजून शुध्द आली नसल्याने सर्वांमध्ये चिंतेचे वातावरण बघायला मिळतंय. एम्स रूग्णालयाच्या (Hospital) डाॅक्टरांनीही दररोज राजू यांच्या तब्येतीचे अपडेट देणे बंद केले होते. तसेच कुटंबाकडूनही अपडेट मिळत नसल्याने चाहते चिंतेत होते. मात्र, राजू श्रीवास्तव यांच्या भावाने हेल्थ अपडेट (Health update) दिल्याने मोठा दिलासा नक्कीच मिळालांय.
राजू श्रीवास्तव यांच्यावर 36 दिवसांपासून दिल्लीतील एम्स रुग्णालयात उपचार सुरू आहेत. राजू हे सध्या व्हेंटिलेटरवर आहेत. राजू यांचे भाऊ दिपू श्रीवास्तव यांनी सांगितले होते की, राजू यांच्या तब्येतीमध्ये खूप कमी सुधारणा होत आहे. परंतू ते लवकरच बरे होतील. यादरम्यान राजू यांच्या तब्येतीबाबत विविध अफवा पसरवणे सुरू आहे. मध्यंतरी सांगितले जात होते की, राजू यांना मुंबईत उपचारांसाठी आणण्यात येणार आहे.
राजू श्रीवास्तव यांची मुलगी अंतरा म्हणाली आहे की, कोणत्याच अफवांवर विश्वास ठेवू नका, डॉक्टरांची टीम मेहनत घेत आहे. त्याच्या चांगल्या तब्येतीसाठी तुम्ही प्रार्थना करा, ते हळूहळू बरे होत आहेत. चाहत्यांनी कोणत्याच अफवांवर विश्वास ठेवू नका असे अंतराने पोस्टमध्ये म्हटले आहे. राजू श्रीवास्तव यांना 10 आॅगस्ट रोजी रूग्णालयात दाखल करण्यात आले होते. तेंव्हापासून ते व्हेंटिलेटरवर असून तज्ज्ञ डाॅक्टरांची टीम त्यांच्यावर उपचार करते आहे.