गरम तापमाणातसुद्धा हात पाय थंड राहातात? या गंभीर आजाराचे असू शकते लक्षण
उबदार कपडे घातल्यानंतरही तुमचे पाय थंड राहिल्यास ते अनेक गंभीर आजारांचे कारण बनू शकते. हिवाळ्यात जर तुमचे पाय पुन्हा पुन्हा थंड होत असतील तर ते या आजारांचे लक्षण असू शकते.
मुंबई, हिवाळ्यात वाहणाऱ्या थंड वाऱ्यामुळे लोकांचे हातपाय थंड (Cold Feet) पडतात. या ऋतूत लोकं थंडीपासून वाचण्यासाठी उबदार कपड्यांचा अवलंब करतात. बरेच लोकं हात आणि पाय उबदार ठेवण्यासाठी मोजे आणि हातमोजे वापरतात. पण काही लोकं असे असतात ज्यांचे पाय नेहमी थंड असतात. उबदार कपडे घातल्यानंतरही तुमचे पाय थंड राहिल्यास ते अनेक गंभीर आजारांचे कारण बनू शकते. हिवाळ्यात जर तुमचे पाय पुन्हा पुन्हा थंड होत असतील तर ते या आजारांचे लक्षण असू शकते.
मधुमेह
हिवाळ्यात उष्ण वातावरण असूनही तुमचे पाय थंड राहिल्यास ते मधुमेहाचे लक्षण असू शकते. शरीरातील रक्तातील साखरेचे प्रमाण अनियंत्रित राहिल्यास पाय थंड राहण्याची समस्या कायम राहते. अशा परिस्थितीत, जर तुम्हाला तुमच्या शरीरात हे लक्षण सतत जाणवत असेल तर ताबडतोब डॉक्टरांचा सल्ला घ्या आणि मधुमेहाची चाचणी करा.
अशक्तपणा
जर तुम्हाला अशक्तपणा आणि तुमच्या शरीरात लाल रक्तपेशींची कमतरता असेल तर तुमच्या पायांना अनेकदा थंडी जाणवू शकते. याशिवाय शरीरात आयरन, व्हिटॅमिन बी12, फोलेटची कमतरता, किडनीचे जुने आजार यांसारख्या समस्या असतील तरीही पाय अनेकदा थंड राहू शकतात.
उच्च कोलेस्टरॉल
सतत थंड पाय हे देखील उच्च कोलेस्टेरॉलचे लक्षण असू शकते. वास्तविक, जर आपल्या शरीरात कोलेस्टेरॉलची समस्या वाढली तर ते रक्तवाहिन्यांना ब्लॉक करते, ज्यामुळे शरीरातील रक्त परिसंचरण ठीक होत नाही. जर रक्तप्रवाह नीट नसेल तर त्यामुळे हात-पाय थंड होण्याची समस्या देखील होऊ शकते.
