Heart Attack: हृदयामध्ये असेल मोठी गडबड तर शरीर देतं हे संकेत, वेळीच व्हा सावध!
खराब जीवनशैली कुठेतरी तुमच्या हृदयासाठी खूप घातक ठरते. पायऱ्या चढताना किंवा मध्यरात्री तुम्हाला श्वास घेण्यास त्रास होत असेल तर..
मुंबई, जर तुम्हाला पायऱ्या चढताना किंवा मध्यरात्री श्वास घेण्यास त्रास होत असेल तर ते तुमच्या हृदयासाठी चांगले लक्षण नाही. आज आम्‍ही तुम्हाला अशाच काही लक्षणांबद्दल सांगणार आहोत, जे दर्शविते की तुमचे हृदय अजिबात निरोगी नाही. ही लक्षणे (Symptomes) दिसताच तुम्ही ताबडतोब डॉक्टरांशी संपर्क साधावा. आजच्या धावपळीची जीवनशैली, चुकीचे खाणे आणि स्वतःकडे लक्ष न देणे यामुळे गेल्या काही वर्षांत 40 वर्षांखालील लोकांमध्येही हृदयविकाराचा झटका (Heart Attack) येण्याचा धोका वाढला आहे. अनेक वेळा हृदयाशी संबंधित आजारांसाठी काही घटक कारणीभूत असतात जे आपल्या नियंत्रणाबाहेर असतात जसे कौटुंबिक इतिहास इ. पण जीवनशैली आणि आहारात बदल करून तुम्ही हृदयाशी संबंधित आजारांचा धोका बर्‍याच प्रमाणात आटोक्यात आणू शकता.
जिवनशैलीचा परिणाम
खराब जीवनशैली कुठेतरी तुमच्या हृदयासाठी खूप घातक ठरते. पायऱ्या चढताना किंवा मध्यरात्री तुम्हाला श्वास घेण्यास त्रास होत असेल तर तुम्ही ताबडतोब डॉक्टरांशी संपर्क साधावा. याशिवाय पायाला सूज येणे, चक्कर येणे या लक्षणांकडेही दुर्लक्ष करू नये.
आधुनिक जीवनशैलीतील तणावामुळे लोकांमध्ये हृदयविकाराचा झटका येण्याचा धोकाही वाढला आहे. याशिवाय, आजच्या काळात लोक पूर्वीपेक्षा खूपच कमी सक्रिय राहतात. निरोगी हृदयासाठी, आपण अधिकाधिक चालणे, पायऱ्या चढणे आवश्यक आहे. यासोबतच वेळेवर झोपा आणि आरोग्यदायी गोष्टी खा. तसेच तंबाखू आणि दारूचा वापर टाळा.
आज आपण अशाच काही लक्षणांबद्दल जाणून घेणार आहोत ज्याद्वारे तुम्ही तुमचे हृदय निरोगी आहे की नाही हे जाणून घेऊ शकता.
शारीरिक हालचाली करताना श्वास घेण्यात अडचण-
कोणतीही शारीरिक क्रिया करताना तुम्हाला छातीत दुखण्यासोबतच श्वासोच्छवासाच्या समस्येचा सामना करावा लागत असेल, तर हे सूचित करते की तुमचे हृदय निरोगी नाही आणि तुम्हाला हृदयाशी संबंधित काही आजार आहेत.
मध्यरात्री श्वास घेण्यात अडचण-
रात्री श्वासोच्छवासाच्या कमतरतेमुळे जागे झाल्यास ते हृदयाशी संबंधित आजार दर्शवते.
पायांना सूज येणे आणि पायऱ्या चढताना अडचण-
पायऱ्या चढताना श्वासोच्छ्वास खूप कमी होत असेल आणि पायाला सूज आली असेल तर हे सूचित करते की तुमच्या हृदयाचे स्नायू खूप कमकुवत झाले आहेत.
कौटुंबिक इतिहास-
जर तुमच्या घरात आधीपासून कोणाला हृदयविकार किंवा खराब कोलेस्ट्रॉल, उच्च रक्तदाब किंवा मधुमेह असेल तर तुमच्यामध्येही हा आजार होण्याचा धोका खूप वाढतो.
छातीत दुखणे आणि जडपणा-
जर तुम्हाला अचानक छातीत तीव्र वेदना होत असतील किंवा छातीच्या मध्यभागी जडपणा किंवा जळजळ होत असेल आणि वेळोवेळी अस्वस्थता वाढत असेल तर हे सहसा हृदयविकाराचा झटका सूचित करते. अशा परिस्थितीत, आपण त्वरित डॉक्टरांशी संपर्क साधणे आवश्यक आहे.
थकवा वाटणे-
थोडं काम केल्यावर जर तुम्हाला खूप थकवा येत असेल, श्वास घेण्यास त्रास होत असेल तर ते हृदयाशी संबंधित आजारांना सूचित करते.