कोरोना संपूर्ण जगात पसरला होता; मात्र ब्लॅक फंगसचा फैलाव केवळ भारतातच का ?

नाशिकमध्ये म्युकरमायकोसिसचा धोका वाढला

नवी दिल्ली : कोरोना विषाणूच्या दुसर्‍या लाटेनंतर काळ्या बुरशीचे प्रमाण आता वाढू लागले आहे. तसेच काळ्या बुरशीच्या औषधाअभावी रुग्णांची अडचणही वाढत आहे. देशात बुरशीचे प्रकार सतत वाढत आहेत. विशेष गोष्ट म्हणजे रोग नियंत्रण व प्रतिबंध यासाठी अमेरिकेच्या केंद्रांच्या आकडेवारीनुसार म्युकोर मायकोसिस किंवा काळ्या बुरशीचे मृत्यू दर 54 टक्के आहे. भारतात काळ्या बुरशीचे प्रमाण वाढण्याचे कारण काय आहे मधुमेह. फंगस इन्फेक्शन वाढण्याचे सर्वात मोठे कारण मधुमेह हे आहे, ज्यामुळे बुरशीजन्य संसर्ग वाढत आहे. कारण मधुमेहाच्या रुग्णांमध्ये इतरांच्या तुलनेत रोग प्रतिकारशक्ती खूपच कमी असते, ज्यामुळे त्यांचे रोग अधिक गंभीर बनतात. (The corona was spread all over the world; But why is the spread of black fungus only in India)

मधुमेह आहे कारण

ते म्हणाले की, भारतातील प्रौढ लोकांमध्ये मधुमेहाचे अंदाजे 73 दशलक्ष केसेस आहेत. रोगाच्या प्रक्रियेवर नियंत्रण ठेवण्यासाठी वापरण्यात येणाऱ्या स्टिरॉईड्समुळे मधुमेहाची पातळी वाढते, ज्यामुळे मधुमेहासंबंधी गुंतागुंत वाढते. भारतीयांमध्ये, डॉक्टरांचा सल्ला घेतल्याशिवाय स्वत:हून औषधे घेणे हे देखील रोग वाढविण्याचे कारण आहे, ज्यामुळे रुग्णांच्या रिकव्हरीसाठी नेहमीपेक्षा जास्त वेळ लागतो. यामुळे रुग्णांमध्ये अधिक गुंतागुंत निर्माण होत असून अनेक प्रकारचे संक्रमणही वाढत आहे.

वैद्यकीयदृष्ट्या गंभीर रूग्णांसाठी काहीही धोकादायक ठरू शकते. शारीरिकदृष्ट्या निरोगी लोकांमध्ये कोणत्याही व्हायरसशी, संक्रमणाशी लढण्याची ताकद असते. मात्र कमी प्रतिकारशक्ती असलेल्या रुग्णांच्या शरीरात संपूर्ण इम्युनोग्लोब्युलिन आधीच्या रोगाचा सामना करण्यात व्यस्त असतो, तेव्हा काळी बुरशी, पांढरी बुरशी आणि पिवळ्या बुरशीमुळे शरीरात गुंतागुंत उद्भवू शकते, जी गंभीर बनू शकते आणि यामुळे रुग्णाची स्थिती गंभीर होऊ शकते. यात रुग्णाचा मृत्यू देखील होऊ शकतो.

काय आहे ब्लॅक फंगसचा उपचार?

शार्प साइट आय हॉस्पिटलमधील वरिष्ठ सल्लागार डॉक्टर विनीत सहगल यांच्या मते, म्युकोर मायकोसिस म्हणजेच काळ्या बुरशीची लक्षणे ओळखता येऊ शकतात आणि त्वरीत उपचार सुरु केले जाऊ शकतात. त्यांनी सांगितले की डोळा आणि ऑर्बिटमध्ये वेदना, नाकातून स्त्राव, गालावर सुन्न होणे आणि नाक काळे पडणे इत्यादी काळी बुरशीची चिन्हे आहेत. जर आपल्याला ही लक्षणे जाणवल्यास त्वरीत तपासणी केली पाहिजे, जेणेकरुन ईएनटी विशेषज्ञ, नेत्ररोग तज्ज्ञ आणि न्यूरो सर्जन रूग्णावर चांगले इलाज करु शकतील आणि बुरशीमुळे मृत्यूचे प्रमाण कमी करण्यास मदत करतील.

या गोष्टी लक्षात ठेवा

डॉक्टर म्हणतात की, कोविड-प्रभावित, कमी रोगप्रतिकारक प्रणाली असणारे लोक, जे बर्‍याच काळापासून आयसीयूमध्ये आहेत, कर्करोग, केमोथेरपीचे रुग्ण, स्टिरॉइड्स वापरणारे रुग्ण आणि अनियंत्रित मधुमेह असलेल्या रुग्णांना अधिक सावधगिरी बाळगणे आवश्यक आहे. याव्यतिरिक्त, आरोग्य सेवा संस्थांनी व्हेंटिलेटर सर्किट्स आणि ऑक्सिजन पाईप्सचे योग्य निर्जंतुकीकरण करणे, ऑक्सिजन सिलेंडर्स आणि ह्यूमिडिफायर पाणी नियमितपणे बदलणे आणि वैद्यकीय डिस्टिल्ड वॉटर किंवा उकळून थंड केलेले पाण्याने दूषितकरणापासून बचाव करणे आवश्यक आहे. (The corona was spread all over the world; But why is the spread of black fungus only in India)

इतर बातम्या

पेशाने क्लार्क, घरात सापडलं 2 कोटीचं घबाड, 8 किलो सोनं अन् नोटा मोजण्याची मशीन!

VIDEO | कोरोना काळात सुप्त गुणांना वाव, अमरावतीत लहानग्यांचा नृत्याविष्कार