नवी दिल्ली: एखाद्या व्यक्तीचं जीवन बदलण्यास एक क्षणही पुरेसा असू शकतो, असं म्हटलं जातं. थायलंडमधील एका ट्रक ड्रायव्हरसोबत (Thailand Truck Driver) असाच प्रसंग घडला आहे. ड्रायव्हर त्याच्या पत्नीसोबत जेवण करत होता. त्यावेळी त्यांच्या हाती खजिना लागला. ट्रक ड्रायव्हर मोनथियान जानसूक याला नारंगी रंगाचा दुर्मिळ मोती(Rare Orange Pearl) सापडल्यानं त्याच नशीब पालटलं आहे. नारंगी रंगाच्या मोत्याची किंमत अडीच कोटी रुपये (Pearl worth 2.5 Crores) सांगितली जात आहे. (Thailand truck driver found rare orange pearl worth crores inside sea snail during lunch)
थायलंडमधील चोनबुरी प्रांतातील ट्रक ड्रायव्हर मोनथियान जानसूक हा त्याच्या पत्नीसोबत जेवण करत होता. त्यावेळी ते समुद्रामध्ये सापडणारी समुद्री गोगलगाय खात होते. ते खरेदी करण्यासाठी त्यांनी फक्त 100 रुपये खर्च केले होते. या गोगलगायीच्या आतमध्ये त्यांना नारंगी रंगाचा मोती आढळला. त्याची किंमत अडीच कोटी रुपये सांगितली जात आहे.
ट्रक ड्रायव्हर मोनथियान जानसूक मोती मिळाल्यानंतर खुश आहेत. मोनथियान यांना मोती मिळाल्याचं समजल्यानंतर त्यांचे कुटुंबीय आणि शेजाऱ्यांनी मोती पाहण्यासाठी गर्दी केली होती. त्यांनी यापूर्वी असा मोती पाहिला नव्हता. मोनथियान सध्या त्या मोत्याची किंमत किती आहे, याचा अंदाज लावत आहेत. नारंगी मोत्याची किंमत सुमारे अडीच कोटी असून शकेल, असा अंदाज वर्तवण्यात येत आहे.
मोनथियान यांच्याप्रमाण थायलंडमधील एका मच्छीमाराचंही नशीब पालटलं होते. त्यांना कोट्यवधी किंमतीचा मोती मिळाला होता. हचाई नावाचा मच्छीमार समुद्र किनाऱ्यावर शेल पकडत होता. तो शेल पकडून घरी पोहोचला तेव्हा त्याच्या वडिलांनी शेलची सफाई केली. त्यांना त्यावेळी मोती सापडला. हचाई यांना सापडलेल्या मोत्याचं वजन 7.68 ग्रॅम होते. मोती दुर्मिळ आणि मौल्यवान असल्याचं समजल्यानंतर लोकांनी पाहण्यासाठी गर्दी केली होती. तो मोती खरेदी करण्यासाठी व्यापाऱ्यांनी गर्दी केली होती. मात्र, हचाई यांनी त्याची विक्री केली नाही. हचाई यांना जादा किंमत मिळण्याची आशा आहे. नारंगी रंगाचे मोती समुद्री गोगलगाय आणि शेलच्या मध्ये मिळतात.
VIDEO | सांगलीतील शिराळात चालत्या दुचाकीत नाग आढळलाhttps://t.co/szcfXrFT2f#Sangli #Snake
— TV9 Marathi (@TV9Marathi) February 17, 2021
संबंधित बातम्या:
चीनचे अब्जाधीश जॅक माला 2 महिन्यात 80 हजार कोटींचं नुकसान, नेमकं काय झालं?
आता घर बसल्या रिन्यू करा ड्रायव्हिंग लायसन्स, खूप सोपी आहे पद्धत
(Thailand truck driver found rare orange pearl worth crores inside sea snail during lunch)