तृणमूलच्या खासदार अभिनेत्रीचं तुर्कीत हिंदू पद्धतीने लग्न

कोलकाता : नुकतीच खासदार बनलेली अभिनेत्री नुसरत जहाँने कोलकात्याच्या उद्योगपतीशी लगीनगाठ बांधली आहे. ममतांच्या तृणमूल काँग्रेसकडून लोकसभेत निवडून आलेल्या नुसरत जहाँने, तुर्कीतील बोडरम शहरात निखील जैन या व्यावसायिकाशी हिंदू पद्धतीने लग्न केलं. लग्नाचा फोटो नुसरतने सोशल मीडियावर शेअर केला आहे. या फोटोला “Towards a happily ever after with Nikhil Jain.” असं कॅप्शन दिलं आहे.

टॉलिवूड कलाकारांचं आवडतं वेडिंग डेस्टिनेशन असलेल्या Sixth Sense Kapalankaya  या हॉटेलमध्ये हा लग्नसोहळा पार पडला.

या लग्नसोहळल्याला नुसरत जहाँ आणि निखिलच्या कुटुंबातील मंडळी आणि जवळचे मित्र उपस्थित होते. मीडिया रिपोर्ट्सनुसार एका प्रोजेक्टदरम्यान निखिल आणि नुसरत यांची ओळख झाली. पुढे त्यांची मैत्री झाली आणि त्याचं रुपांतर प्रेमात झालं.

लोकसभा खासदार

फिल्मी दुनियेत छाप सोडल्यानंतर नुसरत जहाँ आता लोकसभेत निवडून गेल्या आहेत. तृणमूल काँग्रेसने नुसरतला लोकसभा निवडणुकीत बशीरहाट मतदारसंघातून मैदानात उतरवलं होतं. नुसरतने भाजप उमेदवार शांतनू बासू यांचा तब्बल साडेतीन लाख मतांनी पराभव केला.

संबंधित बातम्या  

तीन लाखांच्या फरकाने विजय मिळवलेल्या खासदार अभिनेत्रीचे फोटो व्हायरल