अजित पवार गैरहजर तर ‘या’ 11 बड्या नेत्यांच्या उपस्थितीत खडसेंची राष्ट्रवादीत एन्ट्री

मुंबई : भाजपचे बंडखोर नेते एकनाथ खडसे हे आज राष्ट्रवादीमध्ये प्रवेश करत आहेत. यासाठी राष्ट्रवादीकडून ग्रँड इव्हेंड ठेवण्यात आला आहे. पण या मोठ्या क्रार्यक्रमात अजित पवार हे गैरहजर राहणार असून राष्ट्रवादीचे तब्बल 11 बडे नेते हे या कार्यक्रमासाठी उपस्थित राहणार आहेत. (Ajit Pawar will be absent for eknath Khadse NCP entry event)

या कार्यक्रमाला राष्ट्रवादी काँग्रेसचे राष्ट्रीय अध्यक्ष शरद पवार, ज्येष्ठ नेते खासदार प्रफुल पटेल, खासदार सुनिल तटकरे, खासदार सुप्रियाताई सुळे, प्रदेशाध्यक्ष जयंत पाटील, ज्येष्ठ नेते आणि अन्न व नागरी पुरवठा मंत्री छगन भुजबळ, कामगार मंत्री दिलीप वळसे पाटील, गृहमंत्री अनिल देशमुख, अन्न व औषध प्रशासन मंत्री डॉ. राजेंद्र शिंगणे, विधानसभेचे माजी अध्यक्ष अरुण गुजराथी, गृहनिर्माण मंत्री जितेंद्र आव्हाड आदी मान्यवर उपस्थित राहणार आहेत.

‘भाजपचं नमोहरण करण्यासाठी शरद पवार उद्धव ठाकरेंवर दबाव टाकू शकतात’

राष्ट्रवादी काँग्रेसचे अध्यक्ष शरद पवार यांच्या उपस्थितीत खडसेंचा पक्षप्रवेश होणार आहे. (Eknath Khadse Join NCP In Mumbai Live Update) एकनाथ खडसे हे राष्ट्रवादी प्रवेशासाठी काल दुपारी विशेष चार्टर्ड हेलिकॉप्टरने सहकुटुंब मुंबईला दाखल झाले. त्यांच्यासोबत त्यांच्या पत्नी मंदाकिनी खडसे आणि कन्या रोहिणी खडसेही आहेत. (Ajit Pawar will be absent for eknath Khadse NCP entry event)

एकनाथ खडसे यांची राजकीय कारकीर्द
1980 मध्ये खडसे यांनी भाजप कार्यकर्त्याच्या रुपात सक्रिय राजकारणात प्रवेश केला. उत्तर महाराष्ट्रात भाजपचा पाया प्रस्थापित करण्यात एकनाथ खडसेंचा मोठा वाटा मानला जातो. लेवा समाजातील असलेल्या खडसेंकडे ओबीसी नेतृत्व म्हणून पाहिले जाते.

उत्तर महाराष्ट्रात भाजपचा एकही आमदार, खासदार दिसणार नाही – अनिल पाटील

एकनाथ खडसे यांनी लढवलेली पहिली निवडणूक कोथडी ग्रामपंचायतीची होती. मात्र पहिल्याच निवडणुकीत खडसेंना पराभवाचा धक्का बसला होता. पुढे, 1987 मध्ये त्याच कोथडी गावाचे ते सरपंच झाले. 1989 मध्ये मुक्ताईनगर मतदारसंघातून ते विधानसभेवर आमदार म्हणून निवडून आले. सलग सहा टर्म (1989 – 2019) म्हणजे तब्बल तीस वर्ष मुक्ताईनगर हा खडसेंचा बालेकिल्ला राहिला.

(Ajit Pawar will be absent for eknath Khadse NCP entry event)