मुंबई : राज्यात कोरोनाचा संसर्ग वाढत (Corona Virus Update) चाललं आहे. कोरोनाचा फैलाव पाहता मुख्यमंत्र्यांनी लॉकडाऊनचा काळ 30 एप्रिलपर्यंत वाढवला. त्यानंतर आज पंतप्रधान नरेंद्र मोदी यांनी संपूर्ण देशात 3 मेपर्यंत लॉकडाऊन घोषित केला आहे. मात्र, तरीही राज्यातील कोरोनाबाधितांचा आकडा दिवसागणिक वाढत चालला आहे. आज राज्यात 350 नवीन कोरोना रुग्ण आढळले आहेत. त्यामुळे सध्या राज्यातील कोरोनाबाधितांची संख्या 2,684 वर येऊन पोहोचली आहे. तर 259 रुग्ण हे बरे होऊन घरी गेले (Corona Virus Update) आहेत, अशी माहिती आरोग्यमंत्री राजेश टोपे (Rajesh Tope) यांनी दिली.
आजपर्यंत पाठविण्यात आलेल्या 46 हजार 588 नमुन्यांपैकी 42 हजार 808 जणांचे प्रयोगशाळा नमुने कोरोना निगेटिव्ह आले आहेत. तर 2684 जण पॉझिटिव्ह आले आहेत. सध्या राज्यात 67 हजार 701 लोक होम क्वारंटाईनमध्ये असून 5,647 लोक संस्थात्मक क्वारंटाईनमध्ये आहेत.
प्लाझ्मा ट्रिटमेंट आणि बीसीजी व्हॅक्सिनचे प्रयोग, यश आल्यास महाराष्ट्र जगाला दिशा देईल : मुख्यमंत्रीhttps://t.co/lQe3ovwRTm@CMOMaharashtra @OfficeofUT #CoronaInMaharashtra
— TV9 Marathi (@TV9Marathi) April 14, 2020
निजामुद्दीन येथील धार्मिक कार्यक्रमात राज्यातील ज्या नागरिकांनी भाग घेतला होता त्यांचा सर्व जिल्हा आणि महानगरपालिका स्तरावर शोध घेण्यात येत आहे. यातील 755 रुग्णांची प्रयोगशाळा तपासणी करण्यात आली असून राज्यात या व्यक्तींपैकी 50 जण करोनाबाधित आढळले आहेत. यापैकी लातूरमध्ये 8, यवतमाळ येथे 7, बुलढाणा जिल्ह्यात 6 , मुंबईत 14 तर प्रत्येकी 2 जण पुणे, पिंपरी चिंचवड, नागपूर मनपा आणि अहमदनगर भागातील आहेत. तर प्रत्येकी एक जण रत्नागिरी, नागपूर, हिंगोली, जळगाव, उस्मानाबाद, कोल्हापूर आणि वाशिम मधील आहेत. याशिवाय, या व्यक्तींच्या निकट संपर्कातील 6 जण अहमदनगर येथे तर 1 जण पिंपरी चिंचवड येथे करोनाबाधित आढळले आहेत (Corona Virus Update).
दरम्यान, आज राज्यात 18 करोनाबाधित रुग्णांचा मृत्यू झाला आहे. कोरोनामुळे राज्यात झालेल्या मृत्यूंची संख्या आता 178 झाली आहे. आज झालेल्या मृत्यूपैकी मुंबईचे 11, पुण्यातील 4 तर अहमदनगर आणि औरंगाबाद मनपा येथील प्रत्येकी 1 रुग्ण आहे. एक मृत्यू राज्याबाहेरील नागरिकाचा आहे.
आज झालेल्या मृत्यूंपैकी 11 पुरुष तर 7 महिला आहेत. त्यातील 5 जण हे 60 वर्षांवरील आहेत. 11 रुग्ण हे वय वर्षे 40 ते 60 या वयोगटातील आहेत. तर दोघेजण 40 वर्षाखालील आहेत. मृत्यूमुखी पडलेल्या 18 जणांपैकी 13 रुग्णांमध्ये (72 टक्के) मधुमेह, उच्च रक्तदाब, अस्थमा, हृदयरोग अशा स्वरुपाचे अतिजोखमीचे आजार आढळले आहेत. या रुग्णांपैकी एकाला कर्करोग तर एकाला (Corona Virus Update) क्षयरोग होता.
राज्यातील ज्या भागात रुग्णांचे क्लस्टर सापडले आहेत, त्या ठिकाणी केंद्र सरकारच्या मार्गदर्शनानुसार क्लस्टर कंटेनमेंट कृतियोजना अंमलात आणण्यात येत आहे. राज्यात आज एकूण 5059 सर्वेक्षण पथकांनी काम केले असून त्यांनी 18.37 लाख लोकसंख्येचे सर्वेक्षण केलेले आहे.
कोरोनाचे कुठे किती रुग्ण आणि कुठल्या जिल्ह्यात किती मृत्यू :
जिल्हा | रुग्ण | बरे | मृत्यू |
---|---|---|---|
मुंबई | 343962 | 318995 | 11535 |
पुणे | 439562 | 405696 | 8144 |
ठाणे | 293052 | 274816 | 5873 |
पालघर | 49872 | 47852 | 939 |
रायगड | 72974 | 69761 | 1613 |
रत्नागिरी | 12336 | 11646 | 425 |
सिंधुदुर्ग | 6777 | 6359 | 180 |
सातारा | 60722 | 57120 | 1858 |
सांगली | 51829 | 49294 | 1800 |
नाशिक | 137449 | 128167 | 2093 |
अहमदनगर | 79880 | 76380 | 1171 |
धुळे | 18870 | 16902 | 337 |
जळगाव | 69604 | 63098 | 1542 |
नंदूरबार | 11448 | 10157 | 229 |
सोलापूर | 59754 | 56379 | 1859 |
कोल्हापूर | 50144 | 48056 | 1684 |
औरंगाबाद | 59429 | 50987 | 1289 |
जालना | 16713 | 15779 | 394 |
हिंगोली | 5342 | 4497 | 100 |
परभणी | 9332 | 7943 | 313 |
लातूर | 26927 | 25245 | 716 |
उस्मानाबाद | 18533 | 17413 | 576 |
बीड | 20796 | 18513 | 577 |
नांदेड | 26170 | 22710 | 692 |
अकोला | 20302 | 16111 | 404 |
अमरावती | 43318 | 38752 | 567 |
यवतमाळ | 21989 | 18875 | 497 |
बुलडाणा | 20865 | 17605 | 270 |
वाशिम | 11352 | 10120 | 169 |
नागपूर | 173547 | 152959 | 3584 |
वर्धा | 16143 | 14254 | 325 |
भंडारा | 14604 | 13711 | 315 |
गोंदिया | 14858 | 14440 | 175 |
चंद्रपूर | 25987 | 24485 | 422 |
गडचिरोली | 9325 | 8994 | 103 |
इतर राज्ये (महाराष्ट्रात उपचार सुरु) | 146 | 0 | 91 |
एकूण | 2314413 | 2134072 | 52861 |