Bihar Election Result ! 9 तासानंतर बिहारमध्ये 10 जागांचे निकाल जाहीर; तरीही भाजपलाच सर्वाधिक जागा
तब्बल नऊ तासानंतर बिहार विधानसभा निवडणुकीचे दहाच निकाल हाती आले आहेत. पहिला निकाल राजदच्या पारड्यात पडला असला तरी हाती आलेल्या निकालानुसार भाजपचेच सर्वाधिक उमेदवार विजयी झाले आहेत. (Election Commission declares results in 10 seats, BJP wins 4, RJD win 2)
बिहार: तब्बल नऊ तासानंतर बिहार विधानसभा निवडणुकीचे दहाच निकाल हाती आले आहेत. पहिला निकाल राजदच्या पारड्यात पडला असला तरी हाती आलेल्या निकालानुसार भाजपचेच सर्वाधिक उमेदवार विजयी झाले आहेत. (Election Commission declares results in 10 seats, BJP wins 4, RJD win 2)
निवडणूक आयोगाने त्यांच्या संकेतस्थळावर बिहारच्या विधानसभा निवडणुकीचे अधिकृत निकाल जाहीर केले आहेत. बिहारमधील 243 जागांपैकी 10 जागांचे निकाल घोषित करण्यात आले आहेत. त्यापैकी चार जागांवर भाजपचे उमेदवार विजयी झाले आहेत. संयुक्त जनता दल आणि राष्ट्रीय जनता दलाचे प्रत्येकी दोन तर काँग्रेस आणि विकासशील इन्सान पार्टीने प्रत्येकी एक जागा जिंकली आहे. याशिवाय भाजपने 70, काँग्रेसने 20, संयुक्त जनता दल 41, राष्ट्रीय जनता दलाने 67 आणि मार्क्सवादी कम्युनिस्ट पक्ष (मार्क्सवादी-लेनिनवादीने) 12 जागांवर आघाडी घेतली आहे.
दरमयान, या निवडणुकीत भाजपसह डाव्या पक्षांनी जोरदार मुसंडी मारली आहे. डाव्या पक्षांचे 29 जागांपैकी 20 जागांवरील उमेदवार आघाडीवर आहेत. राजद आणि काँग्रेसच्या यांच्या महागठबंधनमध्ये मार्क्सवादी कम्युनिस्ट पक्ष, कम्युनिस्ट पार्टी ऑफ इंडिया, कम्युनिस्ट पार्टी ऑफ इंडिया (मार्क्सवादी डावे) सहभागी झाले होते. या पक्षांकडून अगिआव, अराह, अरवाल, बलरामपूर, बिभुतीपूर, दाराउली, दराऊंधा, दुमराव, घोसी, करकट, मांझी, मथिहानी, पालीगंज, तरारी,वारिसनगर, झिरादेई, बचवारा आण बखरी या जागांवर उमेदवार उभे करण्यात आले होते.
एकेकाळी बिहारमध्ये डाव्या पक्षांचे प्रचंड प्राबल्य होते. मात्र, गेल्या दोन विधानसभा निवडणुकांमध्ये डाव्या पक्षांच्या आमदारांची संख्या लक्षणीयरित्या घटली होती. 2010 मध्ये माक्सर्वादी पार्टी ऑफ इंडियाला बिहारमध्ये केवळ एकच जागा जिंकता आली. तर 2015 मध्ये CPI(ML) पक्षाने एक जागा जिंकली होती. तेव्हा इतर दोन्ही डाव्या पक्षांच्या पाट्या कोऱ्या राहिल्या होत्या.
मात्र, यंदाची निवडणूक डाव्या पक्षांसाठी फायदेशीर ठरताना दिसत आहे. याचा फायदा महागठबंधनलाही मिळणार आहे. प्रचाराच्या काळात महागठबंधनचा आर्थिक समतेचा संदेश जनतेपर्यंत पसरवण्यात डाव्या पक्षांनी महत्त्वाची भूमिका बजावली होती. एक्झिट पोल्सनी या निवडणुकीत डाव्या पक्षांना 12 ते 16 जागा मिळण्याचा अंदाज व्यक्त केला आहे. आता 19 जागांवर डाव्या पक्षांचे उमेदवार आघाडीवर असल्याने हा अंदाज खरा ठरताना दिसत आहे.
Bihar Election Result live #BiharElectionResults https://t.co/najJep1Dvb
— TV9 Marathi (@TV9Marathi) November 10, 2020
संबंधित बातम्या:
(Election Commission declares results in 10 seats, BJP wins 4, RJD win 2)