PHOTO | पंतप्रधान नरेंद्र मोदी यांची यंदाची दिवाळीही लष्करासोबत सीमेवर, पाकिस्तान-चीनला इशारा
पंतप्रधान नरेंद्र मोदी यांनी दरवर्षीप्रमाणे यंदाही आपली दिवाळी भारतीय लष्करी जवानांसोबत साजरी केली. राजस्थानातील जैसलमेरच्या सीमेवर तैनात असलेल्या जवानांना मिठाई वाटून मोदी यांनी जवानांना शुभेच्छा दिल्या. यावेळी जवानांना संबोधित करताना मोदी यांनी पाकिस्तान आणि चीनलाही इशारा दिला आहे.
- पंतप्रधान नरेंद्र मोदी यांची यंदाची दिवाळीही सीमा सुरक्षा दल आणि भारतीय लष्कराच्या जवानांसोबत पार पडत आहे. राजस्थानातील जैसलमेरमधील लोंगेवाला सीमेवर पंतप्रधान मोदी आज दाखल झाले. यावेळी मोदी यांनी 1971 मधील पाकिस्तानसोबत झालेल्या लोंगेवाला इथल्या युद्धाचं स्मरणही केलं.
- यावेळी पंतप्रधान मोदी यांच्यासह चीफ ऑफ डिफेन्स स्टाफ (CDS) बिपीन रावत, लष्कर प्रमुख एम.एम. नरवणे, नौदलप्रमुख आर. के. एस. भदोरिया आणि बीएसएफ प्रमुख राकेश अस्थाना उपस्थित होते.
- पंतप्रधान मोदी यांनी आपल्या भाषणात बॅटल ऑफ लोंगेवालाची आठवण केली. जेव्हा भारतीय सैन्याच्या पराक्रमाची, त्यांच्या सैन्य कुशलतेची चर्चा होईल तेव्हा बॅटल ऑफ लोंगेवालाची आठवण केली जाईल, असं पंतप्रधान मोदी यावेळी म्हणाले.
- 1971 मध्ये भारत आणि पाकिस्तानमध्ये झालेल्या युद्धात भारतीय लष्करांनी अतुलनीय कामगिरी केली होती. अवघ्या 120 जवानांच्या तुकडीने पाकिस्तानी लष्कराचे अनेक रणगाडे नेस्तनाबूत केले होते.
- पंतप्रधान नरेंद्र मोदी हे 2014 पासून आपली दिवाळी भारतीय लष्करासोबत साजरी करतात. यापूर्वी मोदी यांनी जम्मू-काश्मीर, उत्तराखंड, पंजाब अशा अनेक ठिकाणी सीमेवर तैनात असलेल्या जवानांसोबत दिवाळी साजरी केली आहे.
- जैसलमेरमध्ये भारतीय जवानांशी संवाद साधताना पंतप्रधान मोदी यांनी पाकिस्तान आणि चीनवर जोरदार शरसंधान साधलं. तुम्ही देशाच्या सुरक्षा सुरक्षित ठेवल्या आहेत म्हणून भारत जागतिक पटलावर आपलं मत ठामपणे मांडू शकत आहे, असं मोदी यावेळी म्हणाले
- आज संपूर्ण देश विस्तारवादी ताकदींमुळे त्रस्त आहे. विस्तारवाद ही एक अशी मानसिक विकृती आहे जी अठराव्या शतकातील विचार दर्शवते. या विचाराविरोधात आज भारत एक आवाज बनत असल्याचं पंतप्रधान मोदी यांनी यावेळी ठासून सांगत, चीनच्या विस्तारवादी धोरणावर बोट ठेवलं.