राऊत म्हणाले, ‘हे राष्ट्रावर उपकारच झाले!’, सोमय्या म्हणतात ‘आभारी आहे, लवकरच उत्तर देणार’
संजय राऊत यांनी पिंपरी-चिंचवड महापालिकेतील भ्रष्टाचार उघडकीस आणण्याचं आवाहन त्यांनी सोमय्यांना केलं आहे. या पत्रात राऊत यांनी सोमय्या यांच्यावर खोचक टीकाही केलीय. राऊत यांच्या या टीकेला लवकरच उत्तर देणार असल्याचं आता सोमय्या म्हणाले. इतकंच नाही तर सोमय्या यांनी राऊतांचे आभारही मानले आहेत.
मुंबई : शिवसेनेचे खासदार संजय राऊत यांनी भाजप नेते आणि माजी खासदार किरीट सोमय्या यांना एक पत्र लिहिलं आहे. त्या पक्षात पिंपरी-चिंचवड महापालिकेत स्मार्ट सिटी योजनेअंतर्गत 700 कोटींचा घोटाळा झाल्याचा आरोप राऊतांनी केलाय. तसंच हा भ्रष्टाचार उघडकीस आणण्याचं आवाहन त्यांनी सोमय्यांना केलं आहे. या पत्रात राऊत यांनी सोमय्या यांच्यावर खोचक टीकाही केलीय. राऊत यांच्या या टीकेला लवकरच उत्तर देणार असल्याचं आता सोमय्या म्हणाले. इतकंच नाही तर सोमय्या यांनी राऊतांचे आभारही मानले आहेत. (Kirit Somaiya’s reply to Shivsena MP Sanjay Raut’s allegation of PCMC scam)
‘माननीय संजय राऊत यांनी माझा “भ्रष्टाचार विरोधी मिशनचे कौतुक केले, मी त्यांचा आभारी आहे. त्यांनी पत्रात लिहिले आहे की, “भ्रष्टाचार, शासकीय पैशांचा अपहार अशी अनेक प्रकरणे आपण सार्वजनिकरीत्या उघड केली आहेत. हे राष्ट्रावर उपकारच झाले. आपण केलेल्या तपासकार्यामुळे महाराष्ट्रातील अनेक लोकप्रतिनिधींना तुरुंगात जावे लागले. भ्रष्टाचारविरुद्धच्या आपल्या लढ्यास ‘बळ’ मिळावे…” मी काही दिवसांत त्यांना उत्तर पाठविणार’, असं ट्वीट किरीट सोमय्या यांनी केलं आहे. या ट्वीटमध्ये त्यांनी राऊत यांना पाठवलेल्या पत्राचा एक फोटोही शेअर केलाय.
श्री संजय राऊतनी माझे कौतुक केले आभारी आहे. ते म्हणाले
“भ्रष्टाचार, शासकीय पैशांचा अपहार अशी अनेक प्रकरणे आपण सार्वजनिकरीत्या उघड केली आहेत. हे राष्ट्रावर उपकारच झाले. आपण केलेल्या तपासकार्यामुळे महाराष्ट्रातील अनेकांना तुरुंगात जावे लागले
मी काही दिवसात त्यांना उत्तर पाठविणार pic.twitter.com/8XwvKUrulN
— Kirit Somaiya (@KiritSomaiya) October 25, 2021
संजय राऊतांचा नेमका आरोप काय?
दरम्यान, संजय राऊत यांनी भाजपची सत्ता असलेल्या पिंपरी-चिंचवड महापालिकेत 500 ते 700 कोटींचा घोटाळा झाल्याचा आरोप केलाय. स्मार्ट सिटी अंतर्गत हा घोटाळा झाला आहे. ईडी, सीबीआय आणि सोमय्यांनी चौकशीसाठी पुढाकार घ्यावा, असं आव्हान राऊत यांनी पत्राद्वारे केलाय. पत्रातील माहितीच्या आधारे सोमय्या ईडीकडे घोटाळ्याच्या चौकशीसाठी पाठपुरावा करतील, अशी अपेक्षाही राऊत यांनी व्यक्त केलीय.
एक भ्रष्टाचाराचं प्रकरण माझ्या निदर्शनास आलं असून ते अत्यंत गंभीर आहे. त्यात तुम्ही लक्ष घालावं अशी मी तुम्हाला विनंती करतो. मी पिंपरी-चिंचवडमध्ये गेल्यावर नगरसेविका सुलभा उबाळे आणि अन्य काही नगरसेविकांनी काही कागदपत्रं दिली. त्यातून असं दिसून येतं की पिंपरी-चिंचवडच्या स्मार्ट सिटी प्रकल्पात 500 ते 700 कोटींचा घोटाळा झाल्या. तुम्ही हा घोटाळा उघडकीस आणावा, अशी मी विनंती आहे. 2018 – 2019 या काळात काही कोटींचा घोटाळा स्मार्ट सिटी प्रकल्पात झाल्याचंही सोमय्या म्हणाले.
sent following letter to ‘Scam crusader’@kiritsomaiya.it gives details of misappropriation of Funds to the tune of 500 cr Rs in the smart city project run by Pimpari chinchwad corporation ruled by BJP.Hope he will use his influence on ED to start the investigation.@NirajGunde pic.twitter.com/sPiSKSjGTH
— Sanjay Raut (@rautsanjay61) October 20, 2021
इतर बातम्या :
‘बायकोनं मारलं तरी केंद्रानं मारलं म्हणून सांगतील’, महाविकास आघाडीवर देवेंद्र फडणवीसांचा घणाघात
Video : महापालिकेनं बनवलेला सायकल ट्रॅक नगरसेवकानं उखडून टाकला! नेमकं कारण काय?
Kirit Somaiya’s reply to Shivsena MP Sanjay Raut’s allegation of PCMC scam