Maharashtra Corona Update | राज्यात दिवसभरात 2,436 नवे रुग्ण, आतापर्यंत 35,156 रुग्ण कोरोनामुक्त

मुंबई : राज्यात दिवसभरात 1 हजार 475 रुग्णांनी (Maharashtra COVID-19 Patients Update) कोरोनावर मात केली आहे. त्यामुळे त्यांना रुग्णालयातून डिस्चार्ज देण्यात आला आहे. आतापर्यंत 35 हजार 156 रुग्णांना घरी सोडण्यात आलं आहे. याशिवाय राज्यातील एकूण कोरोनाबाधितांचा आकडा 80 हजार 229 वर पोहोचला आहे, असं आरोग्य मंत्री राजेश टोपे यांनी सांगितलं (Maharashtra COVID-19 Patients Update) आहे.

राज्यात कोरोनावर मात करणाऱ्या रुग्णांची संख्या वाढत असली तरी नव्या कोरोनाबाधितांची संख्या दररोज वाढत आहे. राज्यात आज दिवसभरात 2 हजार 436 नवे रुग्ण आढळले आहेत. सध्या 42 हजार 215 रुग्णांवर उपचार सुरु आहेत.

कोरोनामुळे दिवसभरात 139 रुग्णांचा मृत्यू

राज्यात आज दिवसभरात 139 कोरोनाबाधित रुग्णांच्या मृत्यूची नोंद झाली आहे. आज नोंद झालेल्या एकूण मृत्यूपैकी 27 मृत्यू हे मागील दोन दिवसांतील आहेत तर उर्वरित मृत्यू 21 एप्रिल ते 2 जून या कालावधीतील आहेत. कोरोनामुळे राज्यात झालेल्या मृत्यूंची संख्या आता 2849 वर पोहोचली आहे.

आज कुठे किती मृत्यू?

मुंबई – 54

कल्याण डोंबवली – 7

ठाणे – 30

वसई-विरार – 1

भिवंडी – 1

नाशिक – 2

जळगाव – 14

मालेगाव – 8

पुणे – 14

सोलापूर – 2

औरंगाबाद – 1

रत्नागिरी – 5

Maharashtra COVID-19 Patients Update

मुंबईतील कोरोना रुग्णांचा आकडा 46 हजार 080 वर

राज्यातील एकूण रुग्णांपैकी मुंबईत सर्वाधिक रुग्ण आहेत. मुंबईत आज दिवसभरात कोरोना बाधित रुग्णांच्या संख्येत 1 हजार 149 नव्या रुग्णांची भर पडली आहे. त्यामुळे मुंबईतील बाधितांची संख्या 46 हजार 80 वर पोहोचली आहे. मुंबईत दिवसभरात आज 54 जणांचा मृत्यू झाला. त्यामुळे मुंबईतील कोरोनाबळींची संख्या 1519 वर पोहोचली आहे. तर मुंबईत आतापर्यंत 18 हजार 778 रुग्ण कोरोनामुक्त झाले आहेत.

राज्यातील कोरोनाबाधितांची अद्ययावत आकडेवारी 

Maharashtra COVID-19 Patients Update

संबंधित बातम्या :

पुण्यात सध्या कोरोनाचे किती रुग्ण? विभागीय आयुक्त म्हणतात…

आधी 49 दिवस कोरोनाला फिरकू दिलं नाही, आता कोरोनामुक्तीकडे वाटचाल, वर्ध्याचा ‘गो कोरोना’ पॅटर्न

97 वर्षाच्या आजीची कोरोनाविरुद्धची लढाई यशस्वी, केवळ सात दिवसात डिस्चार्ज