दुधाच्या बिल वसुलीसाठी डेअरीवाल्याची दबंगगिरी, महिलेला अर्वाच्य भाषेत शिवीगाळ

कल्याण : कल्याणमध्ये रात्रीच्या वेळी दुधाचे बिल वसुलीच्या कारणावरुन एका दूध व्यवसायिकाच्या (Milk Bill Vasuli Argument) दबंगगिरीचा व्हिडीओ चांगलाच व्हायरल झाला आहे. कल्याण पूर्वेतील हाय प्रोफाईल अनमोल गार्डन सोसायटीत हा प्रकार घडला असून एका महिलेसोबत कशा प्रकारे गैरवर्तन केले गेले. हे व्हिडीओमध्ये दिसत आहे. याप्रकरणी कोळसेवाडी पोलिसांनी तपास सुरु केला आहे (Milk Bill Vasuli Argument).

कल्याण पूर्वेतील नांदिवली परिसरात अनमोल गार्डन येथे ही सोसायटी आहे. या सोसायटीत राहणारे एक कुटुंब या परिसरातील एका दूध डेअरीमधून दूध घेतं. मंगळवारी संध्याकाळी दूध व्यावसायिकाचा अल्पवयीन मुलगा दुधाचे बिल घ्यायला आला असता महिलेने सांगितले की, दूधाचे बिल आधीच दिले आहे. एकदा जावून चेक कर. नंतर तो अल्पवयीन मुलगा वडील आणि काही तरुणांना सोबत घेऊन आला.

या अल्पवयीन मुलाने मारहाणीचा आरोप करत महिलेच्या कुटंबियांसोबत वाद सुरु केला. हा वाद इतका विकोपाला गेला की संपूर्ण सोसायटीत गोंधळाची स्थिती निर्माण झाली होती. यावेळी महिलेला अर्वाच्य भाषेत शिवीगाळ करण्यात आला. तिला आणि तिच्या कुटुंबियांना मारहाण करण्याची धमकी दिली गेली.

या प्रकरणी महिलेने कोळसेवाडी पोलीस ठाण्यात तक्रार नोंदविली आहे. पोलिसांनी या प्रकरणी अदखल पात्र गुन्हा दाखल केला असून पुढील तपास सुरु केला आहे. मात्र, दूध व्यावसायिकाकडून अशा प्रकारची वागणूक ही सवाल उपस्थित करणारी आहे.

Milk Bill Vasuli Argument

संबंधित बातम्या :

Hubali Shooting Case | हुबळी गोळीबार प्रकरणातील मुख्य आरोपीला अटक, महाराष्ट एटीएसची मोठी कारवाई

एकाच कुटुंबातील चौघांची हत्या, लुधियाना हादरलं

चोरीच्या घटनेतील सराईत आरोपीला अटक, नवी मुंबई पोलिसांना मोठं यश