कोरोना काळात भ्रष्टाचाराची हीच ती वेळ, संदीप देशपांडेंचा शिवसेनेवर हल्लाबोल

मुंबई : पुन्हा एकदा मनसे आणि शिवसेनेचा वाद चव्हाट्यावर आल्याचे दिसत (Sandeep Deshpande on Shivsena) आहे. मनसे नेते संदीप देशपांडे यांनी सोशल मीडियावरुन शिवसेनेवर निशाणा साधत त्यांच्यावर भ्रष्टाचाराचे आरोप केले आहेत. देशपांडे यांनी ‘शेम ऑन शिवसेना’ असा हॅशटॅगचा वापर करत सोशल मीडियावर पोस्ट केल्या आहेत. देशपांडे यांनी आपल्या ट्विटर अकाऊंटवरुन या पोस्ट (Sandeep Deshpande on Shivsena) केल्या आहेत.

शिवसेनेची हीच ती वेळ अशी टॅग लाईन वापरत देशपांडेनी शिवसेनेवर निशाणा साधला आहे. कोरोना काळात भ्रष्टाचार करण्याची हीच ती वेळ, अशी पोस्ट करण्यात आली आहे.

मृतांचा आकड़ा लपवून जनतेची फसवणूक करण्याची हीच ती वेळ, असंही एका पोस्टमध्ये म्हटले आहे.

नुकतेच शिवसेनेचे नेते वरुण सरदेसाई यांनी देशपांडे यांना कायदेशीर नोटीस पाठवली होती. या नोटीसचा फोटो ट्वीट करत “असल्या धमक्यांना आम्ही घाबरणार नाही. जिथे भ्रष्टाचार दिसेल तिथे लाथ मारणारच”, असं संदीप देशपांडे म्हणाले होते.

संदीप देशपांडे यांनी तीन दिवसांपूर्वी पत्रकार परिषद घेत मुंबई महापालिकेवर भ्रष्टाचाराचे आरोप केले होते. यावेळी पत्रकार परिषदेत संदीप देशपांडे यांनी वरुण सरदेसाई यांचं नाव घेतलं होतं. त्यानंतर वरुण सरदेसाई यांच्याकडून संदीप देशपांडे यांना मानहानीची नोटीस बजावण्यात आली आहे.

संदीप देशपांडेंचे महापालिकेवर आरोप

संदीप देशपांडे यांनी 26 जून रोजी पत्रकार परिषद घेऊन कोरोना रुग्णांच्या अंत्यसंस्कारासाठी वापरण्यात आलेल्या मृतदेह बॅगमध्ये भ्रष्टाचार झाल्याचा आरोप केला होता. याशिवाय कोरोना संकंट काळात महापालिकेने खरेदी केलेले पीपीई किट, मास्क यामध्येदेखील घोटाळा झाल्याचा आरोप केला.

संबंधित बातम्या :

असल्या धमक्यांना आम्ही घाबरणार नाही, वरुण सरदेसाईंना संदीप देशपांडेंचा थेट इशारा

राऊत साहेब… तर मी स्वत: ‘सामना’त येऊन तुमच्या पाया पडेन : संदीप देशपांडे