ऐशी वर्षांच्या योद्ध्याची बळीराजासाठी धडपड, शरद पवारांच्या मराठवाडा दौऱ्याकडे नुकसानग्रस्तांचे लक्ष
आपल्या बळीराजाला धीर देण्यासाठी राष्ट्रवादी काँग्रेसचे सर्वेसर्वा शरद पवार हे मराठवाडा दौऱ्यावर आहेत.
अतिवृष्टीमुळे राज्यात मोठं नुकसान झालं आहे. अशात आपल्या बळीराजाला धीर देण्यासाठी राष्ट्रवादी काँग्रेसचे सर्वेसर्वा शरद पवार हे मराठवाडा दौऱ्यावर आहेत.
खरंतर, शरद पवार हे मराष्ट्रातल्या राजकारणातलं मोठं नाव आहे. ते 79 वर्षांचे आहेत. पण तरीदेखील एखाद्या तरुणालाही लाजवेल अशा पद्धतीने ते आजही काम करतात.
कोरोनाच्या संसर्गातही आपल्या जीवाची परवा न करता शरद पवार हे बळीराज्याच्या भेटीसाठी गेले आहेत. यावेळी त्यांनी शेतकऱ्यांशी मुक्तपणे संवाद साधला.
आज तुळजापूरमधून त्यांनी आपल्या दौऱ्याला सुरुवात केली. यानंतर काकांब्रा, लोहारा, सास्तूर या गावांचा दौरा करत शरद पवार मार्गक्रमण करत आहेत.
कांकाब्रा ते सास्तूर दरम्यान शरद पवार यांना तीनवेळा रस्त्यात गाडी थांबवावी लागली.
या गावांना भेटी देताना शरद पवार यांनी रस्त्यात अनेक ठिकाणी गाडी थांबवून शेतकऱ्यांची विचारपूस केली. याचे काही फोटो समोर आले आहेत.
यावेळी पंचनाम्यासाठी येणाऱ्या अधिकाऱ्यांना तुमच्या नुकसानीची नीट माहिती द्या, अशी सूचना शरद पवार यांनी शेतकऱ्यांना दिली.
नुकसान झालेल्या प्रत्येक गावात जाऊन शरद पवार शेतकऱ्यांशी संवाद साधत आहे.
इतकंच नाही तर शरद पवार भेटून गेल्यामुळे आपल्याला मदत मिळेल अशी अपेक्षाही बळीराजाला आहे. शरद पवार रविवार आणि सोमवार हे दोन दिवस मराठवाड्याच्या दौऱ्यावर आहेत.
परतीच्या पावसामुळं झालेल्या नुकसानाच्या पार्श्वभूमीवर शेतकऱ्यांना मदत करण्यासाठी राज्य सरकारपुढे मर्यादा आहेत. त्यामुळे केंद्र सरकारकडून मदत मिळाली पाहीजे, अशी मागणी राष्ट्रवादी काँग्रेसचे अध्यक्ष शरद पवार यांनी केली आहे.
