Pune PMPML | आधी लॉकडाऊनमुळे आर्थिक अडचण, आता प्रवाशांअभावी पीएमपीएमएल संकटात
लॉकडाऊनच्या काळात आधीच आर्थिक कंबरड मोडलं असताना आता प्रवाशांअभावी तोट्यात असलेल्या पीएमपीएमएल पैशाअभावी बंद पडण्याची वेळ आली आहे
पुणे : पुण्याची लाईफलाइन म्हणून पीएमपीएमएल बससेवेला ओळखलं जातं (PMPML Bus Service). लॉकडाऊनच्या काळात आधीच आर्थिक कंबरड मोडलं असताना आता प्रवाशांअभावी तोट्यात असलेल्या पीएमपीएमएल पैशाअभावी बंद पडण्याची वेळ आली आहे (PMPML Bus Service).
पुणेकरांची लाईफलाइन म्हणून या पीएमपीएमएल बससेवेकडे पाहिलं जातं. पुण्यात सार्वजनिक वाहतूक व्यवस्था बळकट व्हावी यासाठी अनेक वर्षे प्रयत्न करण्यात आले. मात्र, ते काही साध्य झाले नाही. त्यानंतर कोरोनाच्या संकटात बंद पडलेली वाहतूक सेवा यामुळे पीएमपीएमएलच्या बसची चाक पंक्चर होण्याची वेळ आली. कारण, 2 मार्चपासून पुणे महानगरपालिका आणि पिपरी-चिंचवड महानगरपालिका यांच्याकडून तब्बल 183 कोटी रुपये येणं बाकी आहे.
दोन्ही महापालिकांना कोरोनाच्या काळात बस आणि कर्मचारी देण्यात आले. त्यापोटी एकही पैसा मिळालेला नाही. त्यामुळे बस चालविणे कठीण झाले आहे. इंधन, वेतन तसेच आरोग्य योजनांसाठी पैसे नाहीत. सुमारे 90 कोटी रुपयांचे देणे आहे (PMPML Bus Service).
रोख पैशांशिवाय डिझेल मिळत नाही. एमएनजीएल कंपनीने सीएनजीचे 40 कोटी रुपयांची मागणी केली आहे. पैसे न दिल्यास गॅसपुरवठा थांबविण्याचा इशारा दिलाय. त्यामुळे आतापर्यंत वेळेवर पगार होत असलेल्या कर्मचाऱ्यांना या महिन्यापासून पगारासाठी प्रतीक्षा करावी लागण्याची वेळ आली आहे.
पुणे महानगरपालिकेने मात्र पीएमपीएमएलची कुठलीही थकबाकी नसल्याचा दावा केला आहे. गेल्यावर्षीची संचलन तूट ही पालिकेने आधीच दिलेली आहे. या वर्षीची संचालन तूट पुढच्या वर्षी दिली जाते, असं सांगत राज्य सरकारने आता पीएमपीएमएलला आर्थिक मदत करण्याची गरज आहे, असं सांगत महापौरानी आपली जबाबदारी झटकली आहे.
पुण्यात कोरोनाबाधितांचा आकडा वाढता, नव्या 71 प्रतिबंधित क्षेत्रांची घोषणाhttps://t.co/ng2xVnu64L #Pune #Corona
— TV9 Marathi (@TV9Marathi) September 20, 2020
PMPML Bus Service
संबंधित बातम्या :
पुण्यात रात्री सातनंतरही पार्सल सेवा सुरु ठेवता येणार, पालिका आयुक्तांची माहिती