Kolhapur migrant workers | कोल्हापुरात परप्रांतिय मजुरांचा उद्रेक, हजारो मजूर रस्त्यावर
कोल्हापुरात परप्रांतिय कामगारांचा संयम सुटला. (Kolhapur migrant labourers on road) उत्तरप्रदेशला जाण्यासाठी हजारो कामगार रस्त्यावर उतरले.
कोल्हापूर : कोल्हापुरात परप्रांतिय कामगारांचा संयम सुटला. (Kolhapur migrant labourers on road) उत्तरप्रदेशला जाण्यासाठी हजारो कामगार रस्त्यावर उतरले. या मजुरांना कोणीतरी आज ट्रेन सुटणार असल्याचं सांगितलं होतं. या अफवेने हे कामगार शिरोली एमआयडीसी परिसरातून कोल्हापूरच्या दिशेने चालत आले. तावडे हॉटेल परिसरात हजारो कामगार एकत्र आल्याने, पोलीस आणि प्रशासनाची एकच तारांबळ उडाली. यावेळी गांधीनगर नाक्यावर पोलिसांचा मोठा बंदोबस्त होता. जिल्हाधिकारी दौलत देसाई,पोलीस अधीक्षक अभिनव देशमुख यांनी कामगारांना समजावण्याचा प्रयत्न केला. (Kolhapur migrant labourers on road)
कोल्हापूरमध्ये शिरोली, कागल आणि गोकुळ शिरगाव या तीन महत्त्वाच्या एमआयडीसी आहेत. या तिन्ही एमआयडीसीमध्ये हजारो परप्रांतिय कामगार काम करतात. कोल्हापुरातून आतापर्यंत तीन ट्रेन कामगारांना घेऊन परराज्यात गेल्या आहेत. मात्र आज आणखी ट्रेन असल्याची चुकीची माहिती या कामगारांना कोणीतरी दिली आणि एकच हल्लकल्लोळ झाला.
शिरोली एमआयडीसी परिसरात शेकडो मजूर हे पुणे-बंगळुरु महामार्गावर उतरले. कोणत्याही परिस्थितीमध्ये मूळगावी सोडण्याची मागणी हे मजूर करत आहेत. 15 दिवसांपासून खाण्यास काही मिळालं नसल्याचं यांचं म्हणणं आहे. तसंच मालकांनी पगार देऊन वाऱ्यावर सोडल्याचा आरोपही त्यांनी केला.
काल तिसरी रेल्वे रवाना
कोल्हापुरात अडकलेल्या परराज्यातील मजुरांना त्याच्या गावी सोडण्यासाठी काल बुधवारी कोल्हापुरातून तिसरी रेल्वे सोडण्यात आली. दुपारी एक वाजता ही रेल्वे रवाना झाली. पालकमंत्री सतेज पाटील यांच्या उपस्थित उत्तरप्रदेशमधील 1440 कामगारांना आपल्या गावी रवाना करण्यात आले. आतापर्यंत तीन हजार कामगारांना आपल्या गावी सोडण्यात आले आहे. कामगारांना दोन दिवस पुरेल इतके जेवणासह इतर साहित्य देण्यात आले. तर तिकिटांचा सर्व खर्च जिल्हा काँग्रेसच्यावतीने करण्यात आल्याची माहिती पालकमंत्री सतेज पाटील यांनी दिली.
(Kolhapur migrant labours on road)
संबंधित बातम्या