Cleaning Tips : आरशावरचे पांढरे डाग कसे काढायचे? घरच्या घरी करा हे सोपे उपाय
बाथरूमच्या आरशावर पाण्याचे थेंब सुकल्यानंतर त्यातील खनिजांचे अवशेष राहू शकतात, त्यामुळे पांढरे डाग दिसू लागतात. विशेषतः हार्ड वॉटर असल्यास ही समस्या अधिक जाणवू शकते.
बाथरूममधला आरसा कितीही स्वच्छ केला तरी त्यावर पांढरे डाग आणि पाण्याचे निशाणा दिसतात? अनेकदा हे डाग साध्या धुळीमुळे किंवा साबणामुळे नसतात. पाण्याचे थेंब आरशावर सुकल्यानंतर त्यातील कॅल्शियम आणि मॅग्नेशियमसारखी खनिजे काचेवर राहतात आणि हळूहळू पांढरे डाग दिसू लागतात. विशेषत:हार्ड वॉटरचा वापर होत असेल तर ही समस्या जास्त जाणवू शकतो
व्हिनेगरचा वापर करा
आरश्यावरचे हलके हार्ड – वॉटर डाग काढण्यासाठी पांढऱ्या व्हिनेगरचा वापर केला जातो. व्हिनेगर आणि पाणी समान प्रमाणात घेऊन मिश्रण तयार करा. हे मिश्रण थेट आरश्यावर भरपूर फवारण्याऐवजी मायक्रोफायबर कपड्यावर घ्या आणि डाग असलेल्या भागावर हलक्या हाताने पुसा.
लिंबाचा वापरही करता येतो
पांढरे डाग खूप जुने नसतील तर लिंबाच्या रसात वापर करण्याचा पर्यायही आहे. लिंबामध्ये असलेल्या आम्लामुळे काही खनिजांचे थर सैल होण्यास मदत होऊ शकते. मात्र आरशाच्या कडा किंवा मागील भागावर द्रव जास्त वेळ राहणार नाही याची काळजी घ्या.
बेकिंग सोडा वापर
खूप हट्टी डागांसाठी बेकिंग सोडा आणि पाण्याची हलकी पेस्ट वापरण्याचा सल्ला दिला जातो. मात्र आरशावर जोरात घासणे टाळा. जास्त घासल्याने काचेवर ओरखडे पडू शकतात आणि आरशाची चमक होऊ शकते.
आरशावर पाणी साचू देऊ नका
पांढरे डाग पुन्हा पु्न्हा तयार होऊ नयेत यासाठी प्रतिबंध करणे महत्त्वाचे आहे. बाथरूममध्ये अंघोळ करताना आरशावर पाण्याचे थेंब उडाले तर ते सुकण्याआधी मायक्रोफायबर कपड्याने पुसून घ्या. पाणी सुकल्यानंतर त्यातील खनिजे पुन्हा आरशावर जमा होऊ शकतात.
आरसा स्वच्छ करताना ही चूक टाळा
आरश्यावर थेट मोठ्या प्रमाणात पाणी किंवा क्लिनींग लिक्क्विड फवारू नका. विशेषत: आरशाच्या कडांवर द्रव जाऊ दिल्यास मागील reflevtive coating खराब होण्यास धोका असतो. त्यामुळे क्लिनर कपड्यावर घेऊन आरसा पुसणे अधिक सुरक्षित ठरू शकते.
कडक स्क्रबर वापरू नका
पांढरे डाग हट्टी असले तरी स्टील स्क्रबर, खडबडीत स्पंज किंवा ब्लेडने आरसा घासू नका. त्यामुळे डाग जाण्याऐवजी आरशावर ओरखडे पडू शकतात. मऊ मायक्रोफायबर कपडा वापरणे योग्य आहे.
