2015 IAS Topper : ‘ हम रहे या ना रहे कल…’ IAS टीना डाबींचं Hidden Talent वायरल!
नुकताच IAS टीना डाबींचा एक व्हिडीओ समोर आलाय. ज्यात त्यांचं hidden talent समोर आलंय आणि ते बघून त्यांचा चाहतावर्ग देखील अवाक् झालाय. हा व्हिडीओ त्यांनी स्वतः काही दिवसांपूर्वी आपल्या इंस्टग्राम हॅन्डलवर शेअर केला होता.
नवी दिल्ली: आयएएस टीना डाबी (IAS Tina Dabi) लवकरच IAS प्रदीप गवांडे (IAS Pradeep Gawande) यांच्यासोबत लग्न करणार आहेत. दुसऱ्या लग्नाच्या निमित्ताने टीना डाबी पुन्हा एकदा चर्चेत आल्या आहेत. टीना डाबी सोशल मीडियावर प्रचंड ॲक्टिव्ह आहेत. नुसत्या इंस्टाग्रामवर त्यांचे फॉलोवर्स 15 लाखांच्या घरात आहेत. बऱ्याचदा त्या इंस्टाग्रामवर फोटोज आणि व्हिडीओज शेअर करताना दिसतात. त्यांचा चाहतावर्ग देखील त्यांच्या इंस्टाग्राम पोस्टवर भरभरून प्रेमाचा वर्षाव करताना दिसतो. सोशल मीडियाच्या दुनियेनं अनेकांना भुरळ घातलीये. कलाकार, खेळाडू सगळेच जण सोशल मीडियावर प्रचंड ॲक्टिव्ह असतात मग यात IAS टीना डाबी तरी कशा मागे राहतील ? मजबूत फॅन फॉलोईंग असणाऱ्या टीना डाबी इंस्टाग्राम वर नेहमीच काहीना काही शेअर करत असतात. या निमित्ताने त्यांचा चाहतावर्ग देखील आपल्या आवडत्या व्यक्तीच्या आयुष्यात नेमकं काय चालू आहे यावर लक्ष ठेऊन असतात.
नुकताच IAS टीना डाबींचा एक व्हिडीओ समोर आलाय. ज्यात त्यांचं hidden talent समोर आलंय आणि ते बघून त्यांचा चाहतावर्ग देखील अवाक् झालाय. या व्हिडिओत टीना डाबी गाणं गाताना दिसून येतायत. हा व्हिडीओ त्यांनी स्वतः काही दिवसांपूर्वी आपल्या इंस्टग्राम हॅन्डलवर शेअर केला होता. व्हिडीओ जुना असला तरी आतापर्यंत तो साडे पाच लाखांपेक्षा जास्त वेळा पाहिला गेलाय आणि हाच व्हिडीओ प्रचंड प्रमाणात वायरल होतोय. ज्यामुळे टीना डाबी पुन्हा एकदा चर्चेत आल्या आहेत. हजारोच्या संख्येत या व्हिडिओवर चाहत्यावर्गाने आपल्या प्रतिक्रिया दिल्या आहेत.
टीना डाबींचं hidden talent
‘MusicalPerformance’ असं कॅप्शन देत टीना डाबींनी एक व्हिडीओ इंस्टाग्रामवर शेअर केलाय ज्यात त्या चक्क गाताना दिसतायत. व्हिडीओमध्ये त्यांच्यासोबत अनेक लोक माईक पकडून उभे आहेत. टीना डाबी ग्रुप सोबत उभ्या आहेत. “हम रहे या ना रहे कल..” हे गाणं म्हणताना त्या दिसून येतायत. टीना डाबींचा हा व्हिडीओ लबसना मधील एका कार्यक्रमातील असल्याचं दिसून येतंय.
‘रील्स’ची आवड असणाऱ्या IAS टीना डाबी
इतर फोटोज आणि व्हिडीओज प्रमाणे टीना डाबींना रील्स बनवायची देखील प्रचंड आवड आहे. त्या नेहमीच रील्स शेअर करत असतात ज्यात कधी त्या आपल्या आजोबांसोबत पतंग उडवताना दिसून येतात. तर कधी मित्र मैत्रिणींसोबत एन्जॉय करताना दिसतात. त्यांच्या रील्सला देखील लाखोंच्या घरात व्ह्यूज मिळत असतात.
IAS टीना डाबींचा पहिला विवाह देखील होता चर्चेत
टीना डाबी या UPSC 2016 च्या टॉपर असून सध्या राजस्थानमध्ये कार्यरत आहेत. मूळच्या दिल्ली येथील रहिवासी असणाऱ्या टीना डाबी यांचा IAS अतहर खान यांच्याशी 2018 साली पहिला विवाह झाला होता. हा आंतरधर्मीय विवाह बराच काळ चर्चेत होता. त्या नंतर दोनच वर्षात दोघांमध्येही मतभेद होऊन ते सहमतीने वेगळे झाले. त्यानंतर आता टीना डाबी यांनी प्रदीप गावंडे यांच्यासोबत लग्नगाठ बांधायचं ठरवलं आहे.
इतर बातम्या:
