Babanrao Lonikar Audio Clip : इन्कम टॅक्सच्या धाडी टाकीन, बबनराव लोणीकरांची इंजिनिअरला धमकी, भाजपची अडचण?
मीटर काढण्यापासून सुरू झालेलं प्रकरण थेट ईडी (ED Raid) आणि इनकम टॅक्सच्या (Income Tax Raid) धाडीपर्यंत पोहोचले आहे. या अभियंत्याला शिवीगाळ करातनाच लोणीकर यात त्याला इनकम टॅक्सच्या धाडीचीही धमकी देताना दिसत आहेत.
औरंगाबाद : भाजप आमदार बबनराव लोणीकर (Babanrao lonikar Audio Clip) यांच्या नावान वीज अभियंत्याला शिवीगाळ करणारी ऑडिओ क्लिप व्हायरल होत आहे. मात्र या ऑडिओ क्लिपने आता भाजपची अडचण होण्याची शक्यता आहे. कारण हे मीटर काढण्यापासून सुरू झालेलं प्रकरण थेट ईडी (ED Raid) आणि इनकम टॅक्सच्या (Income Tax Raid) धाडीपर्यंत पोहोचले आहे. या अभियंत्याला शिवीगाळ करातनाच लोणीकर यात त्याला इनकम टॅक्सच्या धाडीचीही धमकी देताना दिसत आहेत. आधीच राज्यात सुरू असलेल्या केंद्रीय तपास यंत्रणांच्या कारवाईवरून महाविकास आघाडी भाजपवर सतत आरोप करत आहे. बिगर भाजपशासित राज्यातली सरकार पाडण्याचा आणि दबाव आणण्याचा डावा आहे, असे आरोप या यंत्रणावरून होत आहेत. केद्रीय तपास यंत्रणांना मुख्यमंत्री तर ईडी आहे की भाजपचा घरगडी आहे? असे म्हणताना दिसून आले. आत्ताच्या व्हायरल ऑडिओ क्लिपमध्ये पुन्हा केंद्रीय तपास यंत्रणाचा उल्लेख आल्याने पुन्हा राजकारण पेटण्याची शक्यता आहे. राज्यात भाजप नेते किरीट सोमय्या आणि इतर नेतेही महाविकास आघाडीचे डझनभर नेते आत जाणार असल्याची भाकीतं वर्तवत असतात.
अधिकाऱ्याला नेमकी धमकी काय?
अधिकाऱ्याला खडसावताना लोणीकर म्हणतात, उद्या येऊन बघा ना मीटर काढून नेला की नाही? तुमच्या कुणीतरी नालायक लोकांनी नेलं असेल तुम्हाला काय माहिती. राजाला दिवाळी काय माहिती तुम्हाला. आम्ही पैसे भरणारे लोक आहोत…सूड उगवू नका. आयकर इन्कम टॅक्सच्या धाडी टाकीन. तुम्ही काय काय प्रॉपर्टी घेतली, कुठं कुठं पैसे कमावले. तुम्ही काय करता आम्ही कुंडल्या ठेवतो तुमच्या. आमच्या नादी लागू नका…आमच्या नादी लागायचं नाही. आम्हाला सांगा एक फोन करा आम्ही पैसे भरायला तयार असतो. आम्ही कधीही पैसे बुडवणारे लोक नाहीयेत, अशा आशयाचा ऑडिओ सध्या व्हायरल झाला आहे.
सभागृहातही गदारोळ
आता फक्त लोणीकरच नाही तर याआधीही भाजप नेते खुले आम सीबीआय, ईडी, इनकम टॅक्सची धमकी देताना दिसून आले आहेत. भाजप नेते सुधीर मुनगंटीवार तर एकदा सभागृहात महाविकास आघाडीच्या नेत्यांना जास्त बोलू नका नाहीतर तुमचा अनिल देशमुख होईल म्हणताना दिसून आले होते. त्यावरून सभागृहात बराच गदारोळही झाला होता.
मुख्यमंत्र्यांचे सचिव नार्वेकर यांनाही धमकी
मुख्यमंत्री उद्धव ठाकरे यांचे स्वीय सहाय्यक आणि शिवसेना सचिव मिलिंद नार्वेकर यांना एका अज्ञात व्यक्तीकडून व्हॉट्सअपवर धमकी मिळाल्याचा आरोप झाला होता. आपल्या मागण्या पूर्ण न केल्यास ईडी, एनआयए आणि सीबीआयची चौकशी करायला लावू, अशी अज्ञात व्यक्तीने धमकी दिल्याची मिलिंद तक्रार नार्वेकर यांनी मुंबई पोलिस आयुक्तांकडे तक्रार केली आहे.
संजय पाटील यांचेही असेच वक्तव्य
एकदा बोलता बोलता सांगलीचे भाजप खासदार संजय पाटील यांनीही एक खळबळजनक वक्तव्य केले होते. माझ्यामागे ईडी लागणार नाही कारण मी भाजपचा आहे, असे संजय पाटील म्हणताना दिसून आले होते. तर भाजप नेते हर्षवर्धन पाटील यांनीही असेच वक्तव्य केले होते.
माजलात का तुम्ही, बबनराव लोणीकरांचा तोल गेला; अभियंत्याला शिवीगाळ? ऑडिओ क्लिप व्हायरल