शिंदे गटात मी नाराज नाही, सुषमा अंधारे यांच्या दाव्यानंतर संजय शिरसाट यांची स्पष्टोक्ती
मंत्रिपदाचा निर्णय हा मुख्यमंत्री घेत असतात. शिंदे गटात मी नाराज नाही.
औरंगाबाद : शिंदे गटातील काही आमदार नाराज आहेत. त्यापैकी एक म्हणजे संजय शिरसाट हे नाराज आहेत. ते लवकरचं ठाकरे गटात येतील, असा दावा शिवसेनेच्या नेत्या सुषमा अंधारे यांनी केला. यासंदर्भात संजय शिरसाट म्हणाले, आमची ताई सुषमा अंधारे मला भावाप्रमाणे समजते. त्याबद्दल मी मनापासून आभारी आहे. कुणीतरी माझी काळजी करणारा आहे. पण, अशी कोणतीही नाराजी माझ्याकडं नाही. मी नाराज नाही. मला याबाबतीत अनेक वेळा विचारणा झाली. तेव्हा सांगितलं की, अशा बातम्या दिसू नये. माझ्या नाराजीला काही कारण नाही.
मंत्रिपद मिळत नाही. तुम्ही वेटिंगवर आहात, अशी विचारणा केली असता संजय शिरसाट म्हणाले, मंत्रिपदाचा निर्णय हा मुख्यमंत्री घेत असतात. शिंदे गटात मी नाराज नाही. सुषमा अंधारे यांनी दावा केला त्यात कोणतही तत्थ्य नाही, असंही संजय शिरसाट यांनी म्हंटलंय.
मी नाराज नाही. मी शिंदे गटात नाराज होण्याचं काही कारण नाही, अशी प्रतिक्रिया संजय शिरसाट यांनी दिली आहे. तत्पूर्वी सुषमा अंधारे यांनी जळगाव येथे महाप्रबोधन यात्रेदरम्यान संजय शिरसाट हे शिंदे गटात नाराज असल्याचं म्हटलं होते. ते ठाकरे गटात परत येणारे पहिला आमदार राहू शकतात, असं मला वाटत असल्याचं त्या म्हणाल्या. त्यावर संजय शिरसाट यांनी पहिली प्रतिक्रिया दिली आहे.