Dhule Fire : धुळ्यात झोपडी जळाल्याने तीन वर्षाच्या चिमुकल्याचा होरपळून मृत्यू
नागरिकांनी तात्काळ अग्नीशमन दलाला याची माहिती दिली. आगीची माहिती मिळताच अग्नीशमन दलाने तात्काळ घटनास्थळी दाखल होत आग विझवली. मात्र झोपडीत झोपलेला तीन वर्षाचा चिमुकला वाचू शकला नाही. आगीत होरपळून चिमुकल्याचा दुर्दैवी झाला.
धुळे : झोपडीला आग (Fire) लागल्याने आत झोपलेल्या तीन वर्षाच्या चिमुकल्याचा आगीत होरपळून मृत्यू (Death) झाल्याची हृदय पिळवटून टाकणारी घटना शिंदखेडा तालुक्यात पढावद शिवारात घडली आहे. घराबाहेर खेळत असलेल्या बालकाच्या मोठ्या बहिणाने आरडाओरडा केला असता नागरिकांनी झोपडीकडे धाव घेतली. मात्र तोपर्यंत आगीने रौद्र रुप धारण केले होते. नागरिकांनी तात्काळ अग्नीशमन दलाला पाचारण केले. अग्नीशमन दलाने घटनास्थळी दाखल होत आग विझवली. मात्र चिमुकल्याचा जीव वाचवता आला नाही. दरम्यान आग नेमकी कशी लागली हे अद्याप कळू शकले नाही. (A three-year-old boy has died in a fire at a hut in Dhule)
बघता बघता आगीने रौद्र रुप धारण केले
मयत चिमुकल्याची आई शेतात मजुरीचे काम करते. नेहमीप्रमाणे पोटाची खळगी भरण्यासाठी आपल्या दोन मुलांना घरी एकटे सोडून महिला शेतात मजुरीसाठी गेली होती. यावेळी तीन वर्षाचा चिमुरडा झोपडीत झोपला होता. तर त्याच्यापेक्षा मोठी असलेली त्याची बहिण घराबाहेर खेळत होती. अचानक झोपडीला आग लागल्याचे पाहताच बाहेर खेळत असलेल्या मुलीने गावाच्या दिशेने धाव घेतली आणि लोकांना या घटनेची माहिती दिली. परिसरातील नागरिकांनी पेटत्या झोपडीकडे धाव घेतली. मात्र तोपर्यंत खूप उशिर झाला होता. आगीने रौद्र रुप धारण केले होते.
अग्नीशमन दलाने तात्काळ दाखल होत आग विझवली
नागरिकांनी तात्काळ अग्नीशमन दलाला याची माहिती दिली. आगीची माहिती मिळताच अग्नीशमन दलाने तात्काळ घटनास्थळी दाखल होत आग विझवली. मात्र झोपडीत झोपलेला तीन वर्षाचा चिमुकला वाचू शकला नाही. आगीत होरपळून चिमुकल्याचा दुर्दैवी झाला. झोपडीमध्ये तीन वर्षांच्या चिमुकल्याला लहान मुलीसोबत एकटं सोडून मजुरी करण्यासाठी जाणं आईला चांगलच महागात पडलं आहे. (A three-year-old boy has died in a fire at a hut in Dhule)
इतर बातम्या
Nanded Crime | दोन तलवारी हातात घेत सोशल मीडियावर भाईगिरी, तरुणासह आई वडिलांनाही अटक