वसईमधून एक धक्कादायक घटना समोर आली आहे. वसईच्या चुळणा परिसरात शनिवारी रात्री सात ते आठच्या सुमारास दुचाकीवरून जाणाऱ्या एक तरुणाला अडवून सहा ते सात जणांच्या टोळक्याने बेदम मारहाण केली. या तरुणाला लाथ,बुक्याने आणि दगडाने मारहाण करण्यात आली आहे. तसेच त्याच्या दुचाकीची देखील तोडफोड करण्यात आली आहे. आरोपी दारूच्या नशेत होते, त्यांनी तरुणाकडे पैशांची मागणी केली. पैसे देण्यास नकार दिल्याने या तरुणाला मारहाण करण्यात आली आहे. या मारहाणीच्या घटनेंत संबंधित तरुण गंभीर जखमी झाला आहे. शशांक शेंदरकर (वय 32) असे मारहाण झालेल्या तरुणाचे नाव आहे.