आज दिनांक 16 सप्टेंबर 2022 जाणून घेणार आहोत राज्यसह देशातील महत्त्वाच्या घडामोडी. सध्या वेदांता प्रकल्प गुजरातला हलवण्यात आल्याने महाराष्ट्रातील राजकारण चांगलेच तापले आहे. विरोधकांकडून सकारला कोंडीत पकडण्याचा प्रयत्न होत आहे. तर दुसरीकडे सत्ताधाऱ्यांकडून देखील विरोधकांवर आरोप केले जात आहेत. आज देखील याचे पडसाद उमटण्याची शक्यता आहे. तर दुसरीकडे काल रात्रीपासून मुंबईत पाऊस सुरू आहे. दादर परिसरात रात्री दमदार पाऊस झाला. तर इतर भागात रिमझिम पाऊस सुरू आहे. पाऊस रिमझिम असल्याने त्याचा कोणताही परिणाम हा वाहतुकीवर झाला नसून, रेल्वे तसेच रस्ते वाहतूक सुरळीत सुरू आहे.