Mumbai Police: मुंबई पोलिसांच्या ‘राणा’चं निधन, पोटाचा विकारामुळे वयाच्या सातव्या वर्षी निधन
मुंबई पोलिसांच्या बॉम्बशोधक आणि नाशक पथकातील एका श्वानाचं निधन झालं आहे.'राणा' असं या श्वानाचं नाव आहे.
मुंबई: मुंबई पोलिसांच्या (Mumbai Police) श्वान पथकातून एक दुख:द बातमी आहे. मुंबई पोलिसांच्या बॉम्बशोधक आणि नाशक पथकातील एका श्वानाचं निधन झालं आहे.’राणा’ (Rana Dog Death) असं या श्वानाचं नाव आहे. तो मागच्या काही दिवसांपासून आजारी होता. त्याच्यावर उपचार सुरु होते. उपचारादरम्यान राणाचं निधन झालं. राणाचं वय सात वर्षे सात महिने होतं. त्याने अनेक ठिकाणी बॉम्ब शोधण्याचं काम केलं. त्याच्या कामावर पोलीस अतूट विश्वास ठेवत. त्याच्या जाण्याने मुंबई पोलिसांमध्ये शोकाकूल वातावरण आहे. 2016 मध्ये तो मुंबई पोलिसांच्या श्वानपथकात दाखल झाला. स्फोटकं शोधण्याचं प्रशिक्षण घेतल्यानंतर जानेवारी 2016 ला राणा पोलिसांच्या बॉम्ब शोधकपथकात दाखल झाला. राणा लॅब्रोडॉर जातीचा श्वान आहे. राणा मुंबई पोलिसांच्या बॉम्बशोधक आणि नाशक पथकात दाखल झाला होता.
जेव्हापासून राणाने बॉम्ब कॉल, थ्रेट कॉल, संशयित वस्तू याची तपासणी करणण्याचं काम केलं. व्हीव्हीआयपी, व्हीआयपी यांची मुंबई भेटीदरम्यान घातपातविरोधी तपासणी करणं, संवेदन ठिकाणांची नियमित तपासणी करणं, अश्या घातपातविरोधी तपासणीमध्ये त्याचा सहभाग असायचा. राणा आहे म्हणजे निर्धास्त राहू शकतो, असा पोलिसांना विश्वास आसायचा. त्याने अनेक मोहिमा यशस्वी केल्या. राणाला पोटाचा विकार झाल्याने त्याच्यावर परळच्या बाई साकराबाई पशुवैद्यकीय रुग्णालयात दाखल करण्यात आलं होतं. तिथे त्याच्यावर उपचार करण्यात आले. पण उपचारादरम्यान त्याचं निधन झालं. राणावर शासकीय इतमामात अंत्यसंस्कार करण्यात आले.
उपचारादरम्यान निधन
मुंबई पोलिसांच्या श्वान पथकातून एक दुख:द बातमी आहे. मुंबई पोलिसांच्या बॉम्बशोधक आणि नाशक पथकातील एका श्वानाचं निधन झालं आहे.’राणा’ असं या श्वानाचं नाव आहे. तो मागच्या काही दिवसांपासून आजारी होता. त्याच्यावर उपचार सुरु होते. उपचारादरम्यान राणाचं निधन झालं. राणाचं वय सात वर्षे सात महिने होतं. राणाला पोटाचा विकार झाल्याने त्याच्यावर परळच्या बाई साकराबाई पशुवैद्यकीय रुग्णालयात दाखल करण्यात आलं होतं. तिथे त्याच्यावर उपचार करण्यात आले. पण उपचारादरम्यान त्याचं निधन झालं.
शासकीय इतमामात अंत्यसंस्कार
मुंबई बॉम्ब शोधक व नाशक पथकातील पोलीस अधिकारी आणि अंमलदार यांनी मानवंदना देवून राणाला अखेरचा निरोप दिला. यावेळी शोकाकूल वातावरण पाहायला मिळाल.