Corona Update : आज राज्यात 3,883 नवे कोरोना रुग्ण, देशाचा आणि राजधानी दिल्लीतला आकडाही वाढला

सावधान! राज्यात आज नवे कोरोना रुग्ण वाढले

Image Credit source: aljazeera.com

मुंबई : राज्यात गेल्या काही दिवसांपासून सतत कोरोना रुग्णांच्या आकड्यात मोठी वाढ होत होती. आज मात्र कोरोना आकडेवारीत राज्याला (Today Corona Numbers) थोडासा दिलासा मिळाला आहे. राज्यातली आजची रुग्णसंख्याही कालच्या रुग्णसंख्येपेक्षा काहीशी कमी झाल्याचे आजच्या आकडेवारीतून (Maharashtra Corona Update) समोर आले आहे. मात्र ही घटलेली रुग्णसंख्या खूप मोठी नाही. त्यामुळे अद्यापही कोरोनाचे सावट हटताना दिसत नाही. प्रशासनाकडून वेगवान कोरोना चाचण्या (Corona Test) आणि आवश्यक ती खबरदारी घेणे सुरूच आहे. यात सर्वात जास्त रुग्ण हे मुंबई आणि आजुबाजुच्या परिसरात आढळून येत असल्याने मुंबईची चिंता पुन्हा वाढली आहे. आज राज्यात 3,883 नवे कोरोना रुग्ण आढळून आले आहेत. कालच राज्यात 4255 नवे कोरोना रुग्ण आढळून आले होते. कालच्या तुलनेत आज कोरोना रुग्ण घटले आहेत.

आजची कोरोना आकडेवारी

दोन्ही मोठी शहरं अलर्ट मोडवर

देशातला कोरोनाचा आकडाही दिवसेंदिवस वाढत आहे. त्यात मुंबई आणि राजधानी दिल्लीने पुन्हा प्रसानाची चिंता वाढवली आहे. त्यामुळे ही दोन्ही मोठी शहरं सध्या अलर्ट मोडवर आहेत. राजधानी दिल्लीत आज 1,534 नव्या कोरोना केसेस आढळून आल्या आहेत.

राजधानी दिल्लीतली कोरोना आकडेवारी

देशाचा आकडाही वाढला

मोठ्या शहरांमध्ये कोरोनाच संसर्ग पुन्हा वाढल्याने साहजिकच त्याचा परिणाम हा देशातील कोरोना रुग्णवाढीवर होत आहे. दहा हजारांच्या खाली असणारा कोरोना आकडा पुन्हा तेरा हजारांच्या पार झाला आहे. देशात आज 13,216 नवे कोरोना रुग्ण आढळून आले आहेत. त्यामुळे आता देशाचे आरोग्य मंत्रालयही वेळोवेळी राज्यांना आवश्यक त्या सूचना करत आहेत.

देशातली कोरोना आकडेवारी

मुंबईतली कोरोना आकडेवारी