वेदांता-फॉक्सक्वॉनवरुन जितेंद्र आव्हाडांचा सरकारवर घणाघात; मुख्यमंत्र्यांवर केली सडकून टीका

राज्यातून वेदांता-फॉक्सक्वॉन कंपनी गुजरातमध्ये गेल्यामुळे राज्यसरकारवर आता जोरदार टीका केली जात आहे. महाराष्ट्रातून हा प्रकल्प गुजरातमधील अहमदाबादमध्ये हलविल्यानंतर राष्ट्रवादीचे आमदार जितेंद्र आव्हाडांनी शिंदे-फडणवीस सरकारव जोरदार हल्लाबोल केला आहे. याबाबत ट्विट करत त्यांनी शिवरायांची शपथ घालत शिंदे सरकारने हा प्रकल्प गुजरातला दिला असा आरोप आव्हाडांनी त्यांच्यावर केला आहे. याबाबतेच त्यांनी ट्विटही केले आहे. जितेंद्र आव्हाडांनी ट्विटच्या माध्यमातून याविरोधात आवाज उठवत छत्रपती शिवाजी महाराजांनी स्वराज्याच्या कल्याणासाठी सुरतेवर स्वारी करुन खजिना महाराष्ट्रात आणला होता. आणि आताचे राज्यातील शासक इथे होऊ घातलेला एवढा मोठा प्रकल्प आणि महसूल गुजरातला देवून आले असा घणाघातही त्यांनी शिंदे सरकारवर केला आहे.