Eknath Shinde: ही तर फॅशन झालीय, पक्ष सोडून बाळासाहेबांच्या नावाचा जप करणाऱ्या एकनाथ शिंदेंवर गटनेते चौधरींची टीका

शिवसैनिक आहे असं सांगण्याची फॅशनः अजय चौधरींची टीका

मुंबईः एकनाथ शिंदे (Eknath Shinde) यांनी बंडखोरी केल्यानंतर राज्यातील राजकारणात नवनव्या घडोमोडी घडण्यास वेग आला आहे. अनेक घटना घडत असतानाच मंत्री आणि गटनेते पदावर असणाऱ्या एकनाथ शिंदे यांना त्यांनी केलेल्या बंडखोरीवर ज्यावेळी त्यांच्या भूमिकेविषयी विचारण्यात आले त्यावेळी एकनाथ शिंदे यांनी सांगितले की, मी शिवसेना सोडली नाही, मी बाळासाहेब ठाकरेंचा सैनिक (Balasaheb Thackeray) आहे असं सांगत त्यांनी आपली शिवसेनेविषयीची भूमिका माडंली होती. त्यानंतर कालच गटनेते पदी निवड झालेले अजय चौधरी (Ajay Chaudhary) यांनी एकनाथ शिंदे यांच्या मी शिवसैनिक आहे या वक्तव्यावर त्यांनी मत व्यक्त करताना त्यांनी सांगितले की, पक्ष सोडायचा आणि बाळासाहेबांचा सैनिक आहे म्हणून सांगायचं अशी आता फॅशन झालेय अशी टीकाही त्यांनी यावेळी केली.

एकनाथ शिंदे यांनी विधान परिषदेच्या निकाल लागल्यानंतर काही तासातच नॉट रिचेबल होत आपली बंडखोरी जाहीर केली.

हिंदुत्वाचा मुद्दा पुढे

त्यानंतर आपल्यासोबत शिवसेनेपेक्षा जास्त आमदार असल्याचे सांगत आपल्या बंडखोरीची भूमिका सांगितली तरी त्यांनी आपण शिवसेना सोडली नसून बाळासाहेब ठाकरेंच्या शिकवणीनुसार हिंदुत्वाचा मुद्दा घेऊन पुढे जात आहोत, आम्ही शिवसेना सोडली नाही. त्यांच्या विचारांशी फारकत घेतली नाही असंही त्यांनी सांगितली. आम्ही शिवसेना सोडली नाही आणि सोडणारही नाही असं सांगत त्यांनी आपण शिवसैनिक असल्याचेच सांगितले होते. त्याच्या या वक्तव्यावर गटनेते अजय चौधरी यांनी त्यांच्यावर जोरदार टीका केली आहे.

 शिवसैनिक असल्याची सांगण्याची फॅशन

गटनेत अजय चौधरी यांनी एकनाथ शिंदे यांच्यावर टीका करताना बाळासाहेब ठाकरे यांच्या शिवसैनिकाविषयी सांगताना एकनाथ शिंदे यांच्यासारखं सागंण्याची आता फॅशन आले आहे असं सागंत त्यांनी एकनाथ शिंदे यांच्यावर जोरदार टीका केली.

उद्धव ठाकरे ज्येष्ठ शिवसैनिक

शिवसैनिक यांच्याविषयी सांगताना त्यांनी मुख्यमंत्री उद्धव ठाकरे यांच्या शिवसैनिक असण्याविषयीही सांगितले त्यावेळी ते म्हणाले की, शिवसेना ज्या अस्तित्वात आली त्यावेळी उद्धव ठाकरे हे सहा वर्षांचे होते, त्यामुळे ज्यावेळी बाळासाहेब ठाकरे यांनी ज्यावेळी श्रीफळ वाढवले त्यावेळी त्याचे पाणी उद्धव ठाकरे यांच्यावर पडले होते, त्यामुळे शिवसेनेतील सगळ्यात ज्येष्ठ सैनिक हे उद्धव ठाकरे आहेत असंही त्यांनी सांगितले.

शिवसेनेला संघर्ष नवीन नाही

त्यांनी शिवसेनेला संघर्ष काय नवीन नाही शिवसेना संघर्ष करत शिवसेना उभी राहिली आहे असंही त्यांनी शिवसेनेच्या संघर्षाविषयी आपले मत व्यक्त केले.

अजय चौधरींसोबत बैठकीला  22 आमदार

आजच्या बैठकीवेळी आपल्यासोबत 22 आमदार बैठकीला उपस्थित होते. असंही त्यांनी यावेळी सांगितले. गटनेते पत्राविषयीही यावेळी प्रश्न उपस्थित करण्यात आला त्यावेळी त्यांनी सांगितले की, आम्ही सगळ्या गोष्टी कायद्यानुसार केल्या आहेत. त्यानुसार आपल्याला कायदेशीर प्रक्रियेनुसारच आपल्याला उपाध्यक्ष यांनी निवडीचे पत्र दिले आहे असं सांगितले.