Marathi News Maharashtra Nitin gadkari announce crores of fund to 7 district of maharashtra for road repairing
नितीन गडकरींची मोठी घोषणा, महाराष्ट्रातील ‘या’ 7 जिल्ह्यांमधील रस्त्यांसाठी कोट्यावधींचा निधी
केंद्रीय रस्ते वाहतूक आणि महामार्ग मंत्री नितीन गडकरी यांनी महाराष्ट्राच्या 7 जिल्ह्यामधील रस्त्यांसाठी कोट्यावधींच्या निधीची घोषणा केलीय.
Follow us on
नवी दिल्ली : केंद्रीय रस्ते वाहतूक आणि महामार्ग मंत्री नितीन गडकरी यांनी महाराष्ट्राच्या 7 जिल्ह्यामधील रस्त्यांसाठी कोट्यावधींच्या निधीची घोषणा केलीय. यात राज्यातील अनेक रस्त्यांच्या दुरुस्ती, रुंदीकरणाच्या कामाचाही समावेश आहे. या कामासाठी मोठा निधी मंजूर झाल्यामुळे विविध जिल्ह्यांमधील रस्ते प्रवास अधिक वेगवान होण्यास मदत होणार आहे (Nitin Gadkari announce crores of Fund to 7 district of Maharashtra for road repairing).
महाराष्ट्रातील कोणत्या 7 जिल्ह्यांचा समावेश?
नितीन गडकरी यांनी महाराष्ट्रातील ज्या 7 जिल्ह्यांमधील रस्त्यांच्या कामासाठी निधी मंजूर केलाय त्यात नाशिक, पुणे, वाशिम, सोलापूर, सिंधुदुर्ग, रायगड आणि लातूरचा समावेश आहे. नितीन गडकरी यांनी कोट्यवधी रुपयांचा निधी मंजूर केल्याने या जिल्ह्यांमधील अनेक रस्त्यांची दुरुस्ती, दुपदरीकरणाच्या कामाला वेग येणार आहे. त्यामुळे या जिल्ह्यांमधील वाहतूक अधिक वेगवान होईल.
कोणत्या जिल्ह्यासाठी किती निधी?
पुणे
पुणे जिल्ह्यात चंबळी – कोडीत – नारायणपूर – बहिरवाडी – काळदारी (ता. पुरंदर ) रस्ते दुरुस्ती आणि डांबरीकरणासाठी 4.91 कोटी रुपये मंजूर झालेत. महाड – मधेघाट – वेल्हे – नासरापूर ते चेलाडी फाटा (ता. वेल्हे) एसएच -106 च्या रस्ते दुरुस्तीसाठी 4.81 कोटी रुपये मंजूर झालेत. वडगाव काशिंम्बेग (ता. आंबेगाव) येथे मुख्य पुलाच्या बांधकामासाठी 7.21 कोटी मंजूर झालेत. बारामती – जलोची – कान्हेरी – लकडी – कळस – लोणी – देवकर (तालुका इंदापूर) रस्ते दुरुस्तीसाठी 4.91 कोटी मंजूर झालेत.
याशिवाय वाडा (ता. खेड) ते घोडा (ता. आंबेगाव) रस्ता दुरुस्तीसाठी 2.72 कोटी (ता. आंबेगाव), दौंड (जि. पुणे) ते गर (जि. नगर) भीमा नदीवरील पुलाचे कामासाठी 19.99 कोटी आणि निमगाव खंडोबा येथे सर्व सुविधांसह एरियल रोप-वे कामासाठी 31.81 कोटी मंजूर झालेत.
नाशिक
भगूर-लहावित-मुंडेगाव रोडवरील पुलाच्या पुर्नबांधणीसाठी 2.45 कोटी मंजूर (ता. इगतपुरी)
नानाशी जोगमोडी रोड दुरुस्तीसाठी 3.81 कोटी मंजूर
मातूलथन-धामणगाव-अंदारसुल-बोकटे रस्ते दुरुस्तीसाठी 1.47 कोटी मंजूर (ता. येवला)
लासलगाव-वाकी रस्ते दुरुस्तीसाठी 2.45 कोटी मंजूर (ता. निफाड)
चिरई-बुबळी-साबरदारा-बिवल-मणी रोड दुरुस्ती आणि बांधणीसाठी 91.92 कोटी मंजूर (ता. सुरगाणा)
पळसण-म्हैसमळ फाटा ते बार्हे मोडलपाडा ते पेठ तालुका हद्द रस्ते दुरुस्ती आणि बांधणीसाठी 91.39 कोटी मंजूर
तांबडी नदीवर दलवट कोसुर्डे मुख्य पुलाच्या बांधणीसाठी 1.72 कोटी मंजूर (ता. कळवण)
दुबेरे-पाटोळे-गोंदे-भोकणी-फर्दापूर-धरणगाव-निमगाव-देवपूर-खडंगली-मेंढी सोमठाणे-सांगवी रस्ते दुरुस्तीसाठी 3.93 कोटी मंजूर (ता. सिन्नर)
कसबे सुकेणे-सय्यदपिंपरी -आडगाव रस्ते दुरुस्तीसाठी 1.96 कोटी
नाशिक-गंगापूर-दुगाव रस्ते दुरुस्तीसाठी 1.96 कोटी मंजूर
एसटीबीटी एनएच-3 ते शेरवडे वणी-वावी रस्ते दुरुस्तीसाठी 3.96 कोटी मंजूर (ता. निफाड)
साकुरी-पिंपर्ले-कोंढर-धनेर-खडगाव-घोटणे-मालेगाव रस्ते दुरुस्तीसाठी 4.91 कोटी मंजूर (तालुका नांदगाव)
वडीवऱ्हे-दहगाव-जातेगाव- महिरावणी गिरनारे रस्ते दुरुस्तीसाठी 4.87 कोटी