Weather Alert : राज्यातील तापमानात आणखी ३ ते ४ अंशाने घट होणार

cold_wave

Image Credit source: cold_wave

मुंबई : Weather Alert : राज्यात थंडीचा कडका सुरु आहे. सर्वात हॉट सीटी म्हणून ओळख असलेल्या खान्देशातील तापमान सर्वाधिक घसरण झालीय. उत्तर भारतातील शीतलहर तसेच दाट धुक्यामुळे राज्यातील थंडीत वाढ झाली आहे. बुधवारपासून अनेक ठिकाणी तापमानात आणखी घट होणार आहे. ही घट ३ ते ४ अंशाने होणार आहे. उत्तर महाराष्ट्र, मराठवाड्यात थंडीचा कडाका अधिक राहणार असल्याचा अंदाज हवामान विभागाने वर्तवला आहे.

राज्यातील अनेक शहरांमधील किमान तापमान १० अंशांच्या खाली आले आहे. हवामान विभागाच्या अंदाजानुसार अजून तीन चार दिवस थंडीच्या प्रकोपापासून दिलासा मिळण्याची शक्यता नाही. राज्यासह देशात थंडीचा प्रकोप सुरु आहे. मंगळवारी १० जानेवारी महाराष्ट्रातील अनेक भागांत किमान तापमान घसरलंय. राज्यात तापमानाचा नीचांक नाशिक जिल्ह्यातील ओझरमध्ये नोंदवला गेला. ओझरचे तापमान ४.९ अंश सेल्सियस होते. राज्यातील सर्वात उष्ण शहर म्हणून ओळख असलेल्या जळगाव, धुळ्याचे तापमान ५ .५ अंशावर आले आहे. पुणे आणि नाशिकचे तापमान ७.४ अंशावर आलेय.

कोणत्या शहराचे किती तापमान

ओझर ४.९
जळगाव ५.३
धुळे ५.५
पुणे ७.४
नाशिक ७.६
औरंगाबाद ७.७
गोंदिया ८.६
गडचिरोली ९.२
नागपूर ९.२
यवतमाळ ९.५