दे दे प्यार दे…पुण्यात प्रियकराचा प्रेयसीच्या घरासमोर गोंधळ, मग काय झाले वाचा

प्रेमसंबंधातील वादातून प्रियकराने प्रेयसीला संपवले

पुणे : प्रेमसंबंध तोडल्याने प्रियकराला राग आला. मग त्याने प्रेयसीच्या घरासमोर गोंधळ घातला. हे प्रकरण पोलिसांपर्यंत गेले. पोलिसांनी गोंधळ घालणाऱ्या तरुणावर प्रतिबंधात्मक कारवाई केली. तसेच त्याला नोटीस बजावून समज दिली. पुण्यात एका प्रेम वेड्याने खडकी भागात हा प्रकार केला. प्रेयसीने प्रेमसंबंध तोडल्याने तिच्या घरासमोर जात प्रेमवेड्याने गोंधळ घातला.

प्रियकराने प्रेयसीला फोन करून सोसायटीच्या आवारात येण्यास सांगितले. मात्र, तिने नकार दिल्याने त्याने गोंधळ घालण्यास सुरुवात केली. दरम्यान, नागरिकांनी त्याला समज देण्याचा प्रयत्न केला. मात्र, तो ऐकण्याच्या स्थितीत नसल्याने अखेर पोलिसांनी येत त्याच्यावर कारवाई केली.

काय आहे प्रकार

प्रियकर हा ४१ वर्षांचा तर प्रेयसी ही २९ वर्षांची आहे. दोघांमध्ये दीड वर्षांपासून प्रेमसंबंध. मात्र, काही दिवसांपासून प्रेयसी प्रियकरावर रुसली. त्यांचा संवाद थांबवला. मग प्रियकराला राग आला. त्याने फोन वरून संपर्क साधण्याचा प्रयत्न केला. मात्र, तिने बोलण्यास नकार दिला. प्रियकराचा रागाचा पारा वाढला. त्याने थेट तिचे घर गाठले. तिला वारंवार फोन करून खाली येण्यास सांगितले. प्रेयसीने खाली येण्यास नकार दिला. प्रियकराने तिच्या सोसायटीच्या आवारात गोंधळ घालण्यास सुरुवात केली.

स्थानिक नागरिकांनी त्याला समज देण्याचा प्रयत्न केला. परंतु तो समजून घेण्याच्या परिस्थितीत नव्हता. अखेर प्रेयसीने कंटाळून थेट खडकी पोलीस ठाण्यात तक्रार दिली. खडकी पोलिसांनी तरुणाला बोलावून घेत त्याच्यावर प्रतिबंधात्मक कारवाई केली.