Thane : महात्मा फुले, क्रांतीज्योती सावित्रीबाई फुलेंच्या स्मारकाचा मार्ग मोकळा, कुठे उभारणार स्मारक? वाचा सविस्तर
ठाणे पालिकेचे सभागृह नेते अशोक वैती यांनी फुले दाम्पत्याचं स्मारक उभारण्याचा प्रस्ताव सभागृहात मांडला होता. त्यास मंजुरी मिळाली आहे.
ठाणे : ठाण्यात महात्मा फुले आणि क्रांतीज्योती सावित्रीबाई फुले यांचं स्मारक उभारण्याचा मार्ग अखेर मोकळा झाला आहे. ठाणे पालिकेचे सभागृह नेते अशोक वैती यांनी फुले दाम्पत्याचं स्मारक उभारण्याचा प्रस्ताव सभागृहात मांडला होता. त्यास मंजुरी मिळाली आहे. हा प्रस्ताव मंजूर होताच सर्व ओबीसी बांधवांनी ठामपा मुख्यालयात आनंदोत्सव साजरा केला. प्रस्ताव मांडणारे अशोक वैती आणि दिलीप बारटक्के यांचा ओबीसी बांधवांनी सत्कार केला.
ओबीसी एकीकरण समितीच्या मागणीला यश
ओबीसी एकीकरण समिती आणि ठाणेकर नागरिकांनी महात्मा फुले आणि सावित्री फुलेंचं स्मारक ठाण्यात उभारण्याची मागणी लावून धरली होती. त्याला सोमवारी झालेल्या महासभेत मंजुरी मिळाली आहे त्यानंतर आज ठाणे महापालिकेच्या सभागृह नेते अशोक वैती यांच्या दालनात सर्व ओबीसी बांधवांनी सभागृह नेते अशोक वैती यांचे पुष्पगुच्छ देऊन अभिनंदन करीत पेढे भरवून आनंद उसव साजरा केला आहे.
यावेळी प्रफुल वाघोले, सचिन शिंदे, राहुल पिंगळे, राज राजापूरकर, सचिन केदारी, राजेंद्र देसाई, सुभाष देवरे, राजाभाऊ चव्हाण आदींनी नगरविकास मंत्री पालकमंत्री एकनाथ शिंदे आमदार संजय केळकर आमदार निरंजन डावखरे महापौर नरेश म्हस्के,सभागृह नेते अशोक वैती, गटनेते दिलीप बारटक्के,विरोधी पक्षनेते शानु पठाण तसेच सर्व पक्षीय नगरसेवकांचे ओबीसी बांधवांनी आभार मानले आहे. त्यामुळे ठाण्यातल्या स्मारकाचा मार्ग आता मोकळा झाला आहे. या स्मारकामुळे ठाणे शहराच्या वैभवात आणखी भर पडणार आहे. आपल्याला सर्वात मोठा ऐतिहासिक वारसा आहे. महात्मा फुले आणि सावित्रीबाई फुले यांनी शिक्षण क्षेत्रात दिलेले योगदान मोठे आहे, त्यामुळे त्यांच्यापासून प्रेरणा घेतलेला वर्गही मोठा आहे.
