किती दौरे केले, लॉकबूक दाखवा, पाणीप्रश्नावर बच्चू कडू आक्रमक
निव्वड तक्रार करू नका. मदत करा.
यवतमाळ : यवतमाळात आमदार बच्चू कडू यांनी सिंचन विभागाच्या अधिकाऱ्यांना खडेबोल सुनावले. यवतमाळ जिल्ह्यातील बेंबला प्रकल्पाचे पाणी तांबा, हिवरा शेतकऱ्यांना पोहचत नसल्याची तक्रार होती. तसेच बॅक वॉटरने शेतकऱ्यांना शेती करणे कठीण झाल्याची तक्रार केली होती. त्यावर अधिकाऱ्याला फोनवर बोलत होते. झोपा काढता का ? किती दौरे केले तुम्ही. या भागाचा लॉक बुक दाखवा. दोन महिन्यांत कुठं भेटी दिल्या सांगा. घरी बसू नका. ऑडिट करा या भागातील कालव्याच्या कामाचे अशा सूचना दिल्या. 1 महिन्यात काम झाले नाही तर उठा बसा आंदोलन करण्याचा इशारा दिला.
यवतमाळ येथे बोलताना बच्चू कडू म्हणाले, 15 कोटींचा प्रकल्प 14 कोटी अनुदान आहे. सरकार तयार आहे. एकत्र येऊन लढू. स्वतःचा व्यवसाय सुरू करावा लागेल. उद्योग मंडळ तयार करा. 11 जणांची टीम आहे. व्यवस्थितपणे सुरू करावं लागेल. जिल्हा परिषदेत निवडून येणं, हे राजकीय बळ झालं. रचनात्मक काम असलं पाहिजे. काम केलं तर बच्चू कडू.
निव्वड तक्रार करू नका. मदत करा. जे कुणी करत नाही ते करणं म्हणजे प्रार्थना. कार्यकर्ता बना. मग तक्रार करा. निधीची काही कमी पडणार नाही. निर्णय कडू असला तर कामात गोड करता आला पाहिजे. अपंगांसाठी आंदोलन करत आलो. पण, नुकतं आंदोलन करू नका. कामात सहकार्य करा, असं ही बच्चू कडू म्हणाले.
कार्यकर्ता म्हणून या गोष्टी जपल्या पाहिजे. नगरपालिकेची शाळा बेकार असं नाही. शाळा, गरीब हा आमचा अजेंडा आहे. शाळा चांगली करणार. प्रहारचा कार्यकर्ता येथे दिसला पाहिजे. शाखा प्रमुख आहे का, रुग्णाला मदत होते का. आमच्या भागातल्या सामान्य नागरिकाला मदत झाली पाहिजे. सेवा सेवेच्या ताकतीनं करावं लागतं. सामान्य व्यक्तीसाठी काम करावं लागते, असंही त्यांनी सांगितलं.