ओमिक्रॉनचा धसका! उत्तर प्रदेशात रॅलीवर बंदी घाला, विधानसभा निवडणुकाही पुढे ढकला, थेट कोर्टाचं मोदींना आवाहन
देशात सध्या ओमिक्रॉनचे संक्रमण वाढत आहे. त्यातच अनेक राज्यांच्या निवडणुका आगामी काळात होणार आहेत. यावरून हायकोर्टनं मोदींना रॅलींवर बंदी लावण्याचे तसेच आता होणारी निवडणूक तुर्तातास टाळण्याचे आवाहन केले आहे.
अलाहाबाद : उत्तप्रदेशात रॅलीवर बंदी घाला असे अलाहाबाद हायकोर्टाचे नमूद केले आहे. इतकेच नाही तर विधानसभा निवडणुकाही पुढे ढकला असे आवाहन पंतप्रधान नरेंद्र मोदी यांना केले आहे. त्यामुळे उत्तर प्रदेशातील आगामी निवडणुकांचे काय होणार? अस प्रश्न आता सर्वांनाच पडाला आहे. देशात सध्या ओमिक्रॉनचे संक्रमण वाढत आहे. त्यातच अनेक राज्यांच्या निवडणुका आगामी काळात होणार आहेत. यावरून हायकोर्टनं मोदींना रॅलींवर बंदी लावण्याचे तसेच आता होणारी निवडणूक तुर्तातास टाळण्याचे आवाहन केले आहे.
अलाहाबाद हायकोर्टाने नेमकं काय म्हटले आहे?
कोरोनाच्या संभाव्य तिसऱ्या लाटेचा धोका जसा जगाला आहे, तसाच भारतालाही आहे. उत्तर प्रदेश हायकोर्टात न्यायमूर्ती शेखर कुमार यादव यांच्या खंडपीठासमोर एका जामीनाच्या याचिकेवर सुनावणी सुरू होती. यावेळी कोर्टातील गर्दी पाहून कोर्टाने मोदींना हे आवाहन केले आहे. हायकोर्टाने म्हटले आहे की, पंतप्रधान मोदींनी निवडणूक रॅली आणि सभांवर बंदी घालण्यासाठी कठोर पावले उचलण्याची गरज आहे. कोर्टाने म्हटले आहे की, निवडणुकीचा प्रचार टीव्ही आणि वर्तमानपत्रांच्या माध्यमातून करावा. तसेच मोदींनी निवडणुका तहकूब करण्याबाबतही विचार करावा असे मतही नोंदवले आहे.
लसीकरण अभियानावरून मोदींचे कौतुक
या खंडपीठाने कोरोना प्रतिबंधात्मक लसीकरण मोहिमेवरून पंतप्रधान मोदींचे कौतुक केले आहे. कोर्टाने आपल्या आदेशात म्हटले आहे की, विशाल लोकसंख्या असलेल्या या देशात पंतप्रधानांनी लसीकरण अभियान जोमाने चालवले आहे. कोर्ट याचे कौतुक करत आहे. त्याचबरोबर हायकोर्ट ठोस पावले उचलून प्रचासभा आणि रॅलींवर बंदी घालण्याचेही आवाहन करत असल्याचे म्हटले आहे. त्याचबरोबर कोर्टाने जीव आहे तर जग आहे, असेही म्हटले आहे.
