UP Murder : पतीला जबरदस्तीने सुसाईड नोट लिहायला भाग पाडले आणि हत्या केली!; झाशीत सेल्स मॅनेजरच्या हत्येने खळबळ
सेल्स मॅनेजर दीपक जैनच्या खिशात सापडलेल्या चिट्ठीत त्याने नातेवाईक आणि सावकारांकडून होत असलेल्या छळाचा उल्लेख केला आहे. त्यावर दिपकच्या पत्नीने पोलिसांत जबाब नोंदवला आहे. त्यात तिने पतीच्या मारेकऱ्यांनी बळजबरीने सुसाईड नोट लिहून घेतली असावी आणि नंतर पतीची हत्या केली असावी, अशी शक्यता वर्तवली आहे.
झाशी : उत्तर प्रदेशच्या झाशी शहरात सेल्स मॅनेजर (Sales Manager)च्या संशयास्पद मृत्यूने खळबळ उडाली आहे. एका रस्त्याच्या कडेला मृतदेह आढळला. त्याच्या खिशात सुसाईड नोट (Suicide Note)ही सापडली. मात्र ही सुसाईड नोट मारेकऱ्यांनीच जबरदस्तीने लिहून घेतली असावी आणि नंतर पतीची हत्या केली असावी, असा आरोप सेल्स मॅनेजरच्या पत्नीने केला आहे. दिपक जैन असे हत्या करण्यात आलेल्या सेल्स मॅनेजरचे नाव आहे. त्यामुळे या प्रकरणाच्या तपासाला वेगळे वळण मिळाले आहे. या अनुषंगाने अधिक तपास करण्याबरोबरच पत्नीच्या आरोपामागे दुसरा कोणता हेतू आहे का, याचाही शोध पोलीस घेत आहेत. नातेवाइकांवरही छळवणुकीचा आरोप केला गेल्याने दिपकच्या पत्नीने सुसाईड नोटवरच प्रश्नचिन्ह उपस्थित केले आहे. (first forced to written suicide note then murdered of sale manager in uttar pradesh)
नातेवाईक आणि सावकारांकडून छळ झाल्याचा सुसाईड नोटमध्ये उल्लेख
सेल्स मॅनेजर दीपक जैनच्या खिशात सापडलेल्या चिट्ठीत त्याने नातेवाईक आणि सावकारांकडून होत असलेल्या छळाचा उल्लेख केला आहे. त्यावर दिपकच्या पत्नीने पोलिसांत जबाब नोंदवला आहे. त्यात तिने पतीच्या मारेकऱ्यांनी बळजबरीने सुसाईड नोट लिहून घेतली असावी आणि नंतर पतीची हत्या केली असावी, अशी शक्यता वर्तवली आहे. झाशीतील मुस्तारा रोड येथील एका रस्त्याच्या कडेला सेल्स मॅनेजरचा मृतदेह आढळला. दोन दिवसांनी हा मृतदेह दिसून आला आहे. सुसाईड नोटमध्ये व्याजाने पैसे देणाऱ्या तीन सावकारांबरोबरच 6 जणांच्या नावाचा उल्लेख करण्यात आलेला आहे. या लोकांनी छळ केल्याचा आरोप दीपक जैनने सुसाईड नोटमधून केला आहे. पतीला बळजबरीने सुसाईड नोट लिहायला लावली गेली आणि त्यानंतर त्याची हत्या करण्यात आल्याचे पत्नीचे म्हणणे आहे. पोलिसांनी मृतदेह मेडिकल कॉलेजच्या शवागारात ठेवला आहे.
हत्या झालेल्या सेल्स मॅनेजर पत्नी-मुलांपासून वेगळा राहायचा
शिवपुरीच्या कथा कॉलनीत राहणारा दीपक जैन (50) हा पत्नी आणि मुलांपासून वेगळे राहत होते. तो सुमारे 14 वर्षांपासून झाशीच्या मिशन कंपाऊंडमध्ये भाड्याने राहत होते. 7 महिन्यांपासून दीपक एका फूड कंपनीत सेल्स मॅनेजर म्हणून काम करत होता. घरगुती वादामुळे तो अनेक महिन्यांपासून पत्नी आणि मुलांपासून वेगळा राहत होता. त्याला त्याच्या मुलांशी आणि भावांशी फोनवर बोलायचे होते. कारखाना मालकाने 4.75 लाख रुपयांची मागणी केली होती. याचदरम्यान दीपक जैनचा मृतदेह आढळून आल्यामुळे खळबळ उडाली आहे. (first forced to written suicide note then murdered of sale manager in uttar pradesh)
इतर बातम्या