प्रियांका गांधी आणि भाजप कार्यकर्ते आमने सामने, भारतीय लोकशाहीचं मोठेपणं सांगणारं दृश्य, पाहा Video

प्रियांका गांधी आणि भाजप कार्यकर्ते

नवी दिल्ली : उत्तर प्रदेश विधानसभा निवडणुकीची (Uttar Pradesh Assembly Election ) रणधुमाळी सध्या सुरु आहे. उत्तर प्रदेशातील निवडणूक 7 टप्प्यात घेण्यात येत आहे. सात पैकी पहिल्या तीन टप्प्यातील मतदान पार पडलंय. सध्या चौथ्या टप्प्याची रणधुमाळी सुरु आहे. प्रियांका गांधी वाड्रा (Priyanka Gandhi Vadra) आणि अखिलेश यादव प्रचारादरम्यान समोर आल्याचं यापूर्वी दिसून आलं होतं. प्रचारादरम्यान प्रियांका गांधी आणि भाजप (BJP) कार्यकर्ते समोरासमोर आले. यावेळी राजकारणात दुर्मिळ होत असलेलं चित्र पाहायला मिळालं. प्रियांका गांधी यांनी भाजप कार्यकर्त्यांशी हस्तोंदलन केलं. भाजप कार्यकर्त्यांनी देखील प्रियांका गांधी यांना प्रतिसाद दिला. प्रियांका गांधी यांनी यावेळी भाजप कार्यकर्त्यांना काँग्रेसचा जाहीरनामा दिला. भाजप कार्यकर्त्यांनी देखील ब्रेसलेट मागून घेतलं आहे. प्रियांका गांधी यांनी यावेळी महिला सुरक्षेच्या मुद्याला प्राधान्य दिलं आहे.

पाहा व्हिडीओ :

प्रियांका गांधी यांच्यावर काँग्रेसकडून उत्तर प्रदेश विधानसभा निवडणुकीची जबाबदारी सोपवण्यात आली आहे. उत्तर प्रदेशात प्रियांका गांधी यांनी महिला सुरक्षा आणि महिलांच्या प्रश्नांवर भर देणार जाहीरनामा तयार केला आहे. यूथ काँग्रेसकडून प्रियांका गांधी यांचा व्हिडीओ शेअर करण्यात आला आहे. या व्हिडीओत प्रियांका गांधी आणि भाजप कार्यकर्ते समोरासमोर आलेले आहेत. प्रियांका गांधी गाडीत बसून काँग्रेसचा जाहीरनामा भाजपच्या कार्यकर्त्यांना देत आहेत. भाजपचे कार्यकर्ते प्रियांका गांधी यांच्याकडे बँडची मागणी करत आहेत. प्रियांका गांधी देखील त्यांची मागणी पूर्ण करताना दिसत आहेत.

पाहा व्हिडीओ :

दुसऱ्या एका व्हिडीओत प्रियांका गांधी गाडीतून बाहेर येऊन भाजप कार्यकर्त्यांशी हस्तोंदलन करताना दिसत आहेत. भाजप कार्यकर्ते देखील प्रियांका गांधी यांना प्रतिसाद देताना दिसत आहेत. एकूणचं भारतीय लोकशाहीतील दुर्मिळ होत असलेलं चित्र यानिमित्तानं दिसून आलं आहे.

इतर बातम्या:

सुप्रिया सुळेंसह महाराष्ट्रातील 4 खासदारांना संसद रत्न पुरस्कार, अभिनंदन आत्या..! पार्थ पवार यांचं खास ट्विट

दहावी-बारावीच्या परीक्षा होणार की नाही, झाल्या तर कशा; सर्वोच्च न्यायालयात होणार फैसला!