सुप्रसिद्ध अभिनेते सचिन पिळगावकर (Sachin pilgaonkar) आणि अभिनेत्री सुप्रिया पिळगावकर (Supriya Pilgaonkar) यांची लेक अभिनेत्री श्रिया पिळगावकर (Shriya Pilgaonkar) हिने अल्पावधीत आपले हक्काचे स्थान तयार केले आहे.
‘एकुलती एक’ या चित्रपटाद्वारे मनोरंजन विश्वात पदार्पण करणाऱ्या श्रियाने या चित्रपटासाठी ‘सर्वोत्कृष्ट नवोदित अभिनेत्री’ म्हणून पुरस्कार देखील पटकावला आहे.
सोशल मीडियावर सक्रीय असणारी श्रिया आपले नवनवे फोटोशूट चाहत्यांसोबत शेअर करत असते.
नुकतेच तिने समुद्र किनाऱ्यावर एक सिझलिंग फोटोशूट केले आहे.
या फोटोत श्रिया एका हटके पारंपारिक लूकमध्ये दिसत आहे. नाकात नथ, केशरी ब्लाउज आणि पांढरी साडी असा हा तिचा अवतार चाहत्यांना घायाळ करत आहे.
श्रिया पिळगावकरने ‘मिर्झापूर’मध्ये साकारलेली ‘स्वीटी’ प्रेक्षकांना चांगलीच भावली होती. आता लवकरच ती अभिनेता राणा दग्गुबातीसोबत ‘हाथी मेरे साथी’ या चित्रपटात झळकणार आहे.