Birthday Special: सलमान, आमिर आणि अक्षयसोबत बॉलिवूड गाजवलं, पण आता सिनेमांपासून लांब आहे असिन
बॉलिवूड आणि टॉलिवूडमध्ये अनेक सुपरहिट चित्रपट देणारी अभिनेत्री असिनचा आज वाढदिवस आहे.
बॉलिवूड आणि टॉलिवूडमध्ये अनेक सुपरहिट चित्रपट देणारी अभिनेत्री असिनचा आज वाढदिवस आहे. 26 ऑक्टोबर 1985 मध्ये कोची येथे जन्मलेल्या असिनने बॉलिवूडमध्ये सलमान खान, आमिर खान, अजय देवगण आणि अक्षय कुमार या चारही मोठ्या नायकांसोबत चित्रपटांमध्ये काम केलं आहे. विशेष म्हणजे हे चारही चित्रपट बॉक्स ऑफिसवर सुपरहिट ठरले आहेत.
असिनने 2008 साली प्रदर्शित झालेल्या 'गजनी' या चित्रपटाद्वारे बॉलिवूडमध्ये डेब्यू केला होता. हा चित्रपट बॉक्स ऑफिसवर सुपरहिट ठरला. तसेच या चित्रपटातील असिनच्या कामाचे कौतुकही करण्यात आले.
2011 मध्ये तिने सलमान खानसोबत 'रेडी' या चित्रपटात काम केले. हा चित्रपटही सुपरहिट झाला.
बॉलिवूडचा खिलाडी अक्षय कुमार याच्यासोबत तिने 'खिलाडी 786' आणि 'हाऊसफुल्ल 2' या दोन चित्रपटांमध्ये काम केले आहे. हे दोन्ही चित्रपट बॉक्स ऑफिसवर हिट ठरले.
असिनने अजय देवगणसोबत 'लंडन ड्रिम्स' आणि 'बोल बच्चन' या दोन चित्रपटांमध्ये काम केले आहे. त्यापैकी बोल बच्चन हिट ठरला तर लंडन ड्रिम्स फ्लॉप झाला.
बॉलिवूड आणि टॉलिवूड या दोन्ही चित्रपटसृष्टींमध्ये अनेक सुपरहिट चित्रपट देणारी ही अभिनेत्री आता रुपेरी पडद्यापासून दूर आहे. 2016 मध्ये तिने मायक्रोमॅक्सचे सह-संस्थापक राहुल शर्मा यांच्याशी हिंदू आणि ख्रिश्चन पद्धतीने विवाह केला. त्यानंतर तिने कोणत्याही चित्रपटात काम केले नाही.