Photos | Birthday Special : कार्तिक आर्यनकडे पोर्टफोलिओसाठीही पैसे नव्हते, ‘या’ प्रकारे फोटो पाठवायचा
बॉलिवूड अभिनेता कार्तिक आर्यनचा आज 30 वा जन्मदिन आहे. 'प्यार का पंचनामा' या चित्रपटापासून बॉलिवूडमध्ये पदार्पण करणाऱ्या कार्तिकने सर्वांचंच मन जिंकलं.
- बॉलिवूड अभिनेता कार्तिक आर्यनचा आज 30 वा जन्मदिन आहे. ‘प्यार का पंचनामा’ या चित्रपटापासून बॉलिवूडमध्ये पदार्पण करणाऱ्या कार्तिकने सर्वांचंच मन जिंकलं.
- आताच्या घडीला कार्तिक फिल्ममेकर्सची पहिली पसंती आहे. कार्तिकचा जन्म 22 नोव्हेंबर 1990 रोजी ग्वालियरमध्ये झाला होता.
- ह्यूमन ऑफ बॉम्बेला दिलेल्या मुलाखतीत कार्तिक आर्यनने स्वतः हे सांगितलं होतं की त्यांच्याकडे पोर्टफोलिओसाठीही पैसे नव्हते.
- तो म्हणाला, “माझ्याकडे खूप कमी पैसे होते. त्यामुळे मला पोर्टफोलिओ करणंही अशक्य होतं. त्यामुळे मी ग्रुप फोटोंमधून माझा चेहरा कापून तोच एजंटला पाठवायचो. मी कॉलेज स्किप करुन ऑडिशनला जायचो आणि माझ्या घरच्यांना याविषयी काहीच माहिती नव्हतं.”
- कार्तिकने शाहरुख खानला बाजीगरमध्ये पाहिल्यानंतर बॉलिवूडमध्ये येण्याचा निर्णय घेतला.
- तो म्हणाला, “माझा जन्म ग्वालियरमध्ये झाला होता. माझे आई-वडील वैद्यकीय क्षेत्रातील आहेत आणि मी इंजिनीअरिंग करणार होतो. मात्र, शाळेत असताना मी बाजीगर चित्रपट पाहिला आणि त्यानंतर बॉलिवूडमध्ये येण्याचं मनात ठरवलं.”
- अभिनय क्षेत्रात करिअर बनवण्यासाठी कार्तिकने मुंबईला शिफ्ट होण्याचा निर्णय घेतला. नशिबाने कार्तिकला नवी मुंबईतील एक कॉलेजही मिळालं.
- कार्तिक हॉस्टेलमध्ये राहत होता आणि कॉलेजसोबतच ऑडिशन द्यायचा. 2.5 वर्षे संघर्ष केल्यानंतर कार्तिकला त्याचा पहिला ब्रेक मिळला आणि त्याने ‘प्यार का पंचनामा’ या चित्रपटात धमाल केली.