Photos | Fatima Sana Shaikh | कास्टिंग काऊचमुळे अनेक चित्रपट हातून गेले : फातिमा सना शेख
बॉलिवूड अभिनेत्री फातिमा सना शेखचे नुकतेच ‘लुडो’ आणि ‘सूरज पे मंगल भारी’सारख्या चित्रपट प्रेक्षकांच्या भेटीला आले आहेत. ती जशी तिच्या अभिनयासाठी ओळखली जाते, कशीच तिच्या बोल्ड स्टँडसाठीही ओळखली जाते.
- बॉलिवूड अभिनेत्री फातिमा सना शेखचे नुकतेच ‘लुडो’ आणि ‘सूरज पे मंगल भारी’सारख्या चित्रपट प्रेक्षकांच्या भेटीला आले आहेत. ती जशी तिच्या अभिनयासाठी ओळखली जाते, कशीच तिच्या बोल्ड स्टँडसाठीही ओळखली जाते.
- नुकतेच तिने कास्टिंग काऊच प्रकरणावर भाष्य केलं होतं. कास्टिंग काऊचबद्दल बोलताना फातिमा म्हणाली की, ‘मलाही कास्टिंग काऊचचा सामना करावा लागला होता. आयुष्यात अशीही एक वेळ आली होती, जेव्हा असे सांगण्यात आले की, जर शरीरसंबध ठेवले तरच तेव्हा तुम्हाला नोकरी मिळेल. या सगळ्याचा आपल्या आयुष्यावर खूप खोलवर परिणाम होत असतो.’
- ‘यामुळे, बर्‍याचदा असेही घडले आहे की, चित्रपटांमध्ये काम करण्याच्या अनेक संधी माझ्या हातातून गेल्या आहेत. मी एखाद्या चित्रपटाचा भाग आहे आणि अचानक मला त्या प्रोजेक्टमधून काढून टाकण्यात आल्याचे प्रकारही बऱ्याचदा घडले आहेत. तिथे माझ्या जागी वशिलेबाजी करून आलेल्या कोणाची तरी वर्णी लागायची आणि मला काढून टाकले जायचे’, असे म्हणत तिने आपल्या आयुष्यातील वाईट घटनांबद्दलचे दुःखदेखील व्यक्त केले.
- फातिमा सना शेखने अवघ्या काही वर्षांतच चित्रपटसृष्टीत स्वतःचे स्थान निर्माण केले आहे. ‘दंगल’ या सुपरहिट चित्रपटानंतर बॉलिवूडमधल्या महत्त्वाच्या अभिनेत्रींमध्ये तिचे नाव घेतले जाऊ लागले आहे. ‘दंगल’नंतर ती बर्‍याच मोठ्या चित्रपटांमध्ये झळकली होती.
- आता लवकरच ती पुन्हा एका चित्रपटातून प्रेक्षकांच्या भेटीला येणार आहे. या दरम्यान तिने तिच्या आयुष्यातील अतिशय वाईट घटनांचा उलगडा केला आहे. 3 वर्षांची असताना शोषणाची बळी ठरल्याचा धक्कादायक गौप्यस्फोट फातिमाने केला आहे.
- अभिनेत्री फातिमा सना शेख लवकरच ‘लुडो’ आणि ‘सूरज पे मंगल भारी’सारख्या चित्रपटातून प्रेक्षकांच्या भेटीला येणार आहे. या दरम्यान तिने एका वेबसाईटला मुलाखत दिली. या मुलाखतीदरम्यान फातिमाने तिच्या संघर्षाशी निगडीत अनेक गोष्टींचा उलगडा केला.
- ‘मी आजपर्यंतच्या जीवनात अनेक अडचणींचा सामना केला आहे. चित्रपट मिळविणेसुद्धा माझ्यासाठी कधीच सोपे नव्हते’, असे तिने आपल्या मुलाखतीत म्हटले आहे.