'सैराट' फेम रिंकू राजगुरु तिच्या आगामी चित्रपटाच्या चित्रीकरणात व्यस्त आहे.
'सैराट'मुळे रिंकू एका रात्रीत लोकप्रियतेच्या शिखरावर पोहोचली. एवढंच नाही तर या चित्रपटासाठी तिला राष्ट्रीय पुरस्कारसुद्धा प्राप्त झाला. आता ती आगामी चित्रपट 'छूमंतर'च्या चित्रिकरणासाठी लंडनला होती.
चित्रपटाचं चित्रिकरण संपवून ती आता भारतात परतली आहे. तिनं इन्स्टाग्रामवर एक पोस्ट शेअर करत याबाबत माहिती दिली आहे. तिनं फोटोच्या कॅप्शनमध्ये 'बाय बाय लंडन, बॅक टू इंडिया' असं लिहिलं आहे.
एवढंच नाही तर रिंकूसोबतच सुव्रत जोशी, ऋषी सक्सेना, श्रीनिवास पोकळे आणि प्रार्थना बेहरेसुद्धा आता मायदेशी परतले आहेत.
संपूर्ण चित्रिकरण सुरू असताना रिंकूनं गजब धमाल केलीय. त्याची झलक तिच्या इन्स्टाग्राम अकाऊंटवरुन दिसते.
संपूर्ण ट्रिपचे फोटो तिनं तिच्या इन्स्टाग्रामवर शेअर केले आहेत.