चित्रपटांमध्ये शोभेल असा थरारक प्रकार पनवेलमध्ये पाहायला मिळाला. शोरुमच्या पहिल्या मजल्यावरुन कार चक्क खाली कोसळली.
पनवेलमधील खांदा कॉलनी परिसरात हायवे शेजारी असलेल्या किआ कंपनीच्या शोरुममध्ये हा प्रकार घडला.
शोरुमच्या पहिल्या मजल्याची काच फोडून कार थेट रस्त्यावर कोसळली. ही घटना आज (मंगळवार 10 डिसेंबर) सकाळी घडली.
सुदैवाची गोष्ट म्हणजे गाडीतील ड्रायव्हर या घटनेत सुखरुप आहे. चालकाला जवळच्या रुग्णालयात उपचारांसाठी दाखल करण्यात आलं.
पहिल्या मजल्यावरुन खाली कोसळल्यामुळे गाडीचा पुढील भाग चेपला गेला. तर शोरुम आणि गाडीच्या काचांचा तुकडे खाली उभ्या असलेल्या इतर गाड्यांवर उडाले
चालकाचा पाय अॅक्सलरेटरवर पडल्यामुळे हा अपघात झाल्याचा प्राथमिक अंदाज आहे. शोरुम प्रशासन या प्रकरणाचा तपास करत आहे.