Raja Rani Chi Ga Jodi | ‘राजा-राणी’चं ‘डे आऊटिंग’, सुपर कूलमध्ये दिसली ‘ढाले-पाटलां’ची जोडी!
कलर्स मराठीच्या ‘राजा राणीची गं जोडी’ या मालिकेत अभिनेत्री शिवानी सोनार (Shivani Sonar) ‘संजीवनी ढाले-पाटील’ सकारत आहे. तर, अभिनेता मणिराज पवार (Maniraj Pawar) ‘रणजीत ढाले-पाटील’ साकारताना दिसत आहे.
छोट्या पडद्यावरची सुपरहिट मालिका ‘राजा राणीची गं जोडी’ (Raja Rani Chi Ga Jodi) सध्या खूपच चर्चेत आली आहे. या मालिकेतील लोकप्रिय जोडी रणजीत ढाले-पाटील आणि संजीवनी ढाले-पाटील प्रेक्षकांना चांगलेच भावले आहेत.
सध्या मालिकेत अनेक घडामोडी घडताना दिसत आहेत. मात्र, या सगळ्यातूनही आपल्यातील नातं फुलवण्यासाठी लाडक्या ‘राजा-राणी’ने अर्थात संजू आणि रणजीत यांनी ‘डे आऊटिंग’ची योजना आखली आहे.
या ‘डे आऊटिंग’ खास दोघेही एका सुपर कूल लूकमध्ये तयार झाले होते. यावेळी संजीवनीने जीन्स आणि शर्ट परिधान केलं होतं. तर, रणजीत देखील डेनिम आऊट फिटमध्ये अतिशय देखणा दिसत होता.
या खास भागाचं शूटिंग अतिशय निसर्गरम्य ठिकाणी करण्यात आलं आहे. यानिमित्ताने संजीवनी बुलेटवर आपल्या राजाला फिरवताना दिसली. नदीच्या काठी या जोडीने एकमेकांसोबत वेळ घालवला.
कलर्स मराठीच्या ‘राजा राणीची गं जोडी’ या मालिकेत अभिनेत्री शिवानी सोनार (Shivani Sonar) ‘संजीवनी ढाले-पाटील’ सकारत आहे. तर, अभिनेता मणिराज पवार (Maniraj Pawar) ‘रणजीत ढाले-पाटील’ साकारताना दिसत आहे.
ऑनस्क्रीन केमिस्ट्रीप्रमाणेच शिवानी आणि मणिराज यांची ऑफस्कीन केमिस्ट्री देखील चाहत्यांना सोशल मीडियावर पाहायला मिळते. आपल्या आवडत्या ‘राजा-राणी’च्या जोडीला या सुपर कूल लूकमध्ये पाहून प्रेक्षक देखील खूप आनंदी झाले आहेत.