Gudhipadava : मराठमोळा साज करत अभिनेत्रींकडून गुढीपाडव्याच्या शुभेच्छा, पाहा फोटो…
आज गुढीपाडवा आहे. त्यानिमित्त मराठी कलाकारांनी आपले फोटो शेअर करत शुभेच्छा दिल्या आहेत.
अभिनेत्री सायली संजीवने आपले साडी फोटो शेअर केलेत. त्याला तिने "गुढीपाडव्याच्या व मराठी नवीन वर्षाच्या हार्दिक शुभेच्छा" असं कॅप्शन दिलं आहे.
सैराट सिनेमातून घराघरात पोहोचलेली अभिनेत्री रिंकू राजगुरूने गुलाबी साडीतला फोटो शेअर केला आहे. याला तिने "तुम्हाला व तुमच्या परिवारास गुढीपाडवा आणि नवीन वर्षाच्या हार्दिक शुभेच्छा", असं कॅप्शन दिलं आहे.
अभिनेत्री प्रिया बापटने फ्रेश गुलाबी रंगाच्या ड्रेसमधला फोटो शेअर करत शुभेच्छा दिल्या आहेत. "गुढीपाडव्याच्या आणि नवीन वर्षाच्या शुभेच्छा.हे नवीन वर्ष तुम्हा सर्वांना आनंदाचं, उत्तम आरोग्याचं,समृद्धीचं, आणि खळखळून हसण्याचं जावो", असं कॅप्शन तिने या फोटोला दिलं आहे.
अभिनेत्री प्रार्थना बेहरेने तिचे साडीतले फोटो शेअर करत गुढीपाडव्याच्या शुभेच्छा दिल्या आहेत. माझी तुझी रेशीमगाठ या मालिकेत नेहा ही भूमिका करतेय.
"नवा आरंभ, नवा विश्वास, नव्या वर्षाची हीच तर खरी सुरुवात. गुढीपाडवा आणि नवीन वर्षाच्या हार्दिक शुभेच्छा..!", असं कॅप्शन देत स्पृहा जोशीने शुभेच्छा दिल्या आहेत.