ग्लेन मॅकग्रासोबत work out, मराठमोळ्या कुटुंबातील अभिनेत्री सूनबाई कोण?
अभिनेत्री उर्मिला कानेटकर-कोठारेला माजी क्रिकेटपटू ग्लेन मॅकग्रासोबत भेटीचा योग आला.
ऑस्ट्रेलियाचा माजी क्रिकेटपटू आणि जलदगती गोलंदाज ग्लेन मॅकग्रा मुंबई दौऱ्यावर आहे. यावेळी जिममध्ये व्यायाम करताना मॅकग्राची भेट एका मराठमोळ्या अभिनेत्रीशी झाली
अभिनेत्री उर्मिला कानेटकर-कोठारेची ग्लेन मॅकग्रासोबत भेटीचा योग आला. सोबत वर्कआऊटचा फोटो उर्मिलाने इन्स्टाग्रामवर शेअर केला आहे. मुंबईतील वेस्टिन जिममध्ये ही भेट झाल्याची माहिती आहे.
माजी क्रिकेटपटू संजय मांजरेकर यांच्यामुळे मॅकग्रासोबत भेट झाल्याचं उर्मिलाने लिहिलं आहे. हे वर्कआऊट सेशन आयुष्यभर लक्षात राहील, असंही तिने इन्स्टाग्रामवर लिहिलं आहे.
अभिनेत्री उर्मिला कानेटकर-कोठारे ही प्रख्यात निर्माते महेश कोठारे यांची सून, तर अभिनेता आदिनाथ कोठारे याची पत्नी. आदिनाथ-उर्मिला यांना जिजा ही मुलगी आहे
उर्मिला अनेक मराठी चित्रपटांमध्ये झळकली आहे. मला आई व्हायचंय या सिनेमासाठी तिला अनेक पुरस्कारही मिळाले. काही मराठी मालिकांमध्येही उर्मिलाचे दर्शन घडले आहे.
